Herri Lan, Garraio eta Komunikazio Departamentuak jakinarazi duenez, aste honetarako bi mozketa programatu dira Iruñea-Huesca errepidean (N-240), Ledea parean (42,400 eta 43,300 kilometro-puntuetan), Pirinioetako Autobiaren (A-21) 4. tartea (Judasen Benta-Esa) eraikitzeari lotutako leherketengatik.

Lehenengo mozketa uztailaren 27an, asteartea, izango da, 13:30etik 13.45era. Bigarren mozketa uztailaren 30ean, ostirala, izango da, 13:30ean, eta ordu erdiko iraupena izango du.

Errepide berean, Iruñea eta Huesca lotzen dituen horretan (N-240), Pirinioetako Autobiaren (A-21) bosgarren tartea eraikitzeko lanengatik Esan trafikoa desbideratzen jarraitzen dute, Leireko Monasteriora doan bidegurutzean.

Aste honetan, gaurtik ostiralera, Pirinioetako Autobian (A-21) erreien mozketak egingo dituzte 8etatik 18etara, galtzadan egingo diren lanen eraginez, puntu hauetan: Imarkoain (8,200 kilometroa), Torres de Eloz (11,050 kilometroa), Elo (16,300 kilometroa) eta Izko (27,400 kilometroa).

Bestalde, Burgi-Izaba-Frantzia errepidea (NA-137) errepidea moztuta dago Aragoiko mugan, atzo goizean errepide horren Aragoiko zatian, Sigüésen (Huesca), izandako lur-jausiaren eraginez, A-137 errepidearen 11. kilometroan. Desbideratzeak Nafarroako Gobernuak A-21 Pirinioetako Autobiaren hasieran, Noainen, dituen informazio-paneletan iragarrita daude. Horrez gain, Erronkariko haranetik Burgiko errepidea erabiliz ateratzen ari diren guztiei mozketa horren berri ematen zaie, gidariek NA-214 errepidea har dezaten, Nabaskoze eta Irunberrirantz.