NAFARROAKO ABIADURA HANDIKO TRENBIDEA

Urteak dira Nafarroako Gobernuak lanean diharduela Nafarroa Abiadura Handiko sare europarrean biltzeko.

Azken garai hauetan, bidaiari eta merkantzien garraiobide hori berriztatzaile eta lehiakorrena bihurtu da distantzia erdi eta luzeetarako.

Eta bereziki, ailegatzen deneko lekuetako gizarte eta ekonomia mailako sarea modernizatzeko eta sustatzeko duen gaitasuna erakutsi du.

Abiadura handiko trenbiderik gabe, gure erkidegoak bere etorkizuna hipotekatuko luke, eta isolatuta geratuko litzateke Europa eta Espainiako bestelako erkidegoekiko konexioetan.

Nafarrok ezin genuen tren hori pasatzen utzi.

• Hurbilago

Laura Alba (Nafarroako Gobernuko Obra Publikoak, Garraioak eta Komunikazioetako kontseilaria): Abiadura Handiko Trena Nafarroara heltzen denean, gauza guztien gainetik, Nafarroa Abiadura Handiko nazio eta europar mailako sarean behin betiko bilduta izatea eragingo du. Eta horrek, izugarrizko garrantzia du bidaiari eta merkantzien trafikorako, gaur egun garrantzitsua bada, etorkizunean are garrantzitsuagoa izango baita.

Horrez gain, sare horretan, Nafarroak leku pribilegiatua izango du. "Euskal Y" -arekin batzearen bidez, Madril -Europa eta Kantauri -Mediterraneoa trenbidearen gurutze bide izango baikara.

Miguel Sanz (Nafarroako Gobernuko Lehendakaria): Nafarroa erabilerrazagoa izango da, abiadura handiak gu bisitatzeko aukera eskainiko duelako, Nafarroara iritsita, gordetzen dugun ongizate maila ezagutzeko. Halaber, Abiadura Handiak hain lehiakorra den mundu honetan esportazioak sustatzeko aukera ezin hobea eskainiko digu.

• Jarduera gehiago

2.011. urtean hasiko den eraikuntza fasean, Nafarroako Gobernuak azpiegitura hori ahalbideratuko duten 1.300 milioi eurotatik 362 milioi euro aurreratuko ditu.

L. Alba: Soilik lehen fase hori eraikitzeko obrek, Zaragozatik Iruñeraino, 10.000 lanpostu sortzeko aukera eskainiko dute. Zalantzarik gabe, inbertsio garrantzitsu horrek onura oso zuzena eragingo du Foru Erkidegoko ekonomian eta beraz, gure hiritar eta gure enpresentzat.

Bost urte iragaten direnean, 2.016an, "Euskal Y" -arekiko konexioari esker, Nafarroa nazioarteko bide zabaleko abiadura handiko nazio eta Europa mailako sarean bilduko da.

M. Sanz: Ekimen hori lehiakortasun zeinu argia da eta beharrezkoa gurea bezalako erkidego irekia eta berriztatzailearentzat, erreferentzia leku bihurtuta ekonomiaren, industria ekoizpenaren eta baita ezagueraren transferentziaren eremuan ere, zalantzarik gabe, lurralde honetan bizitzeko aukera dugun guztiok gordetzen dugun altxorra erakutsiko duena.

• Aukera gehiago guztiontzat

Trenbide berriak Nafarroa Hegoaldetik Iparraldera zeharkatuko du. Nafarroako Erribera erkidegoko Iparraldearekin konektatuko du.

L. Alba: Ibilbide horrek, nafarroi, nafarron %94ari, gehienez ere ordu erdi bateko epean garraio seguru, azkar eta erosoa izateko aukera eskainiko digu, era berean, nazio zein nazioarteko helburu desberdinekin konektatuko gaituena.

Iruñera heltzeak aldaketa handiak eragingo ditu hirian. Hiribururako sarbideak hobetu egingo dira eraikiko den geltoki berriaren inguruko berrantolaketari esker, "Santiagorako Bidea" izeneko egoitza parkean eraikiko dena -Ronda Oeste eta Aróstegui etorbidearen artean denekoan-. Geltokiaren ondoan eremu ekonomiko bat, eremu komertzial bat, zerbitzuetako bat eta teknologiko bat eraikiko dira.

Horrez gain, gaur egun San Jorge eta Buztintxuri auzoak zeharkatzen duen trenbide kiribila kenduko dugu. Eta bertako auzokideek espazio seguru eta erosoagoak izateko aukera izango dute.

Orotara, Abiadura Handiko Trenak 9.000 etxebizitza eraikitzea eragingo du, eta horietatik, %50 baino gehiago, babestutakoak izango dira.

• Lehiakortasun handiagoa

Nafarroa erabilerrazagoa izango da, erakargarriagoa negozioak egiteko, bisitatzeko edo bizitzeko. Beraz, prestatuago egongo da turismo eta inbertsio gehiago erakartzeko. Gure industriak, orduan, bere lehiakortasuna hobetzen duen tresna izango du eskura.

Merkantzia eta bidaiarientzako trafiko mistorako Abiadura Handiko Trena Nafarroara heltzeak, aukera paregabea eskaintzen du merkantzien garraioa sustatzeko eta oro har, gure sektore logistikoa eta banaketakoa sustatzeko.

• Iraunkorragoa

Abiadura Handiko Trena Nafarroara heltzea, gure energia berriztagarriekiko konpromisoarekin batera – gure kontsumo elektrikoaren %70 dena gaur egun-, Gobernuaren erronka nagusia da garapen iraunkorragoko eredu baten alde.

M. Sanz: Abiadura Handiak nolanahi merkantzia eta pertsonen komunikazio iraunkorragoa eragingo digu; gaur egun ekonomia sortzeko eta hiritarren ongizatea bermatzeko berebiziko tresnatzat garraiobidea sustatzeko erantzukizuna duten guztiek esku artean dutena.

Abiadura Handiko Trenak aurrekoak baino arinagoak eta eraginkorragoak dira. Errepidearen aldean, trenbidearen aldeko apustuak gure "zantzu ekologikoa" murrizten lagunduko digu.

M. Sanz: Ez dugu ahaztu behar proiektu honek bolumen ekonomiko handia duela, 1.000 milioi euro baino gehiago izango dira beharrezkoak eta ezinbestekoak abiadura handia gure erkidegoan zehar abian jartzeko. Eta horrek ahalegina eskatzen du, administrazio zentralaren – Espainiako Gobernua- eta Nafarroako Gobernuaren arteko lankidetza eta elkar ulertzea. Hori dela eta, lankidetzako protokoloa sinatu genuen ezinbesteko eta beharrezkoa den azpiegitura obra hau eraikitzeko eta exekutatzeko aukera izateko.

Guztioi Europarako ate berria zabaltzen zaigu. Bertatik pertsona gehiago, ideia gehiago ibiliko dira, aukera handiagoak eta hobeak guztion artean etorkizuneko Nafarroa eraikitzeko.