Nafarroako Gobernuak eta PSN-PSOE alderdiak 2008ko aurrekontuen gaineko akordioa erdietsi dute ostirala, 2007.eko abenduak 14

Aurrekontuen Foru Legearen proiektua joan den azaroan igorri zioten Parlamentuari, eta itundutako zuzenketak direla-eta, 60,5 milioi euroko inbertsio gehigarria izanen du

Miguel Sanz Nafarroako Gobernuko presidenteak eta Carlos Chivite Nafarroako Alderdi Sozialistako (PSN-PSOE) idazkari nagusiak 2008ko aurrekontuen gaineko akordioa sinatu dute, gaur, Nafarroako Jauregian. Honako hauek ere parte hartu dute ekitaldian: Álvaro Miranda Nafarroako Gobernuko bigarren presidenteorde eta Ekonomia eta Ogasun Departamentuko kontseilariak, Carlos Esparza Etxebizitza eta Lurralde Antolamenduko Departamentuko kontseilariak, eta Juan Cruz Alli CDN alderdiko presidenteak.

Nafarroako Gobernuak eta PSN alderdiak sinatu duten akordio politikoari esker, Gobernuko kide diren talde parlamentarioek (UPN eta CDN) eta sozialistek (Foru Parlamentuko ordezkarien %72, orotara) babesa eman diote PSN alderdiak proposatutako 149 zuzenketak Nafarroako Aurrekontuetan sartzeari. Hartara, joan den azaroan Nafarroako Gobernuak Parlamentuari igorri zion 2008ko Nafarroako Aurrekontu Orokorren Foru Legearen proiektuak 60,5 milioi euroko inbertsio gehigarria izanen du.

Erdietsi dituzten akordioak Nafarroako Gobernuaren ia jarduera esparru guztietakoak dira, baina honela taldekatu daitezke:

gizarte arloko konpromisoak: hezkuntza, osasun, gizarte berdintasun eta etxebizitza arloko neurriak.
azpiegitura estrategikoen gaineko konpromisoak
Nafarroako toki erakundeak finantzatzeko sistema berria, eta funtsen ekarpen handiagoa.
hainbat konpromiso honako arlo hauetan: kultura eta ondarea; enpresak, berrikuntza eta enplegua; eta landa garapena eta ingurumena.
Nafarroarako zerga arloko eredu berria hitzartzeko konpromisoa
aurrekontuen gauzapenaren kontrola eta jarraipena egiteko eta izan daitezkeen soberakinak kudeatzeko konpromisoa

Dokumentazioa:: Acuerdo presupuestario Gobierno de Navarra y PSN; Enmiendas pacto presupuestario 2008; Escuchar rueda de prensa; Ver rueda de prensa

Jar zaitez gurekin harremanetan | Erabilerraztasuna | Lege abisua | Webaren mapa