FORUZAINGOA - "MASITAREN" ESKATZEA

“Masita” jasotzeko eskubidea duten foruzainak, honako hiru modalitate hauen bidez:

1. MODALITATEA

Kideak:

Behin-behineko edo behin betiko, arauzko uniformea ohikotasunez jantzi gabe foruzain eginkizunak betetzeko baimena duten unitateei atxikitako langileak.

Jaso beharreko zenbatekoa:

- Atxikipeneko lehen urtean: 900 euro.

- Bigarren urtean: 700 euro.

- Hirugarren urtean eta hurrengoetan: 550 euro.

2. MODALITATEA

Kideak:

Betekizunak (metagarriak):

- Behin-behineko edo behin betiko, arauzko uniformea ezohikotasunez jantzi gabe foruzain eginkizunak betetzeko baimena duten unitateei atxikita dauden langileak.

- Urte naturalean uniformerik gabeko 30 lanaldi baino gehiago (gutxienez 31 lanaldi) egitea.

Jaso beharreko zenbatekoa:

- 200 euro urtean.

3. MODALITATEA

Kideak:

Betekizunak (metagarriak):

- Arauzko uniformea jantzi gabe foruzain eginkizunak betetzeko salbuespenezko baimena duten langileak, zein unitatetakoak diren kontuan hartu gabe.

- Urte naturalean uniformerik gabeko 10-30 lanaldi efektibo egitea.

Jaso beharreko zenbatekoa:

- 100 euro urtean.

Prozedura honen xedea da Foruzaingoko kide jakin batzuek beren polizi eginkizunak betetzeko arauzko jantziak ez diren jantziak erosteagatik izan ditzaketen gastuengatiko kalte ordaina eskatzea, aldez aurretik arauzko uniformea jantzi gabe zerbitzua emateko baimena emanda.

Eskabideak berariaz ezarritako epeetan aurkeztu behar dira.

1. modalitatea: eskaera mailakatua bi alditan aurkez dezakete:

- 1. aldia: ekainaren 15etik 30era.

- 2. aldia: abenduaren 15etik 31ra.

2. modalitatea eta 3. modalitatea: 2. aldian aurkeztu behar dute nahitaez eskabidea (abenduaren 15etik 31ra bitartean).

​​​​​​​Agiri bakarrean, eskubidea duten zenbatekoei dagozkien fakturen kopia, eskabidean sartutako gastuen zerrendan esleitutako identifikazio zenbakia berariaz adierazita.

• 4/2023 Foru Dekretua, urtarrilaren 25ekoa, Nafarroako Foruzaingoko langileek zerbitzua emateko jantziak erosteagatik kalte-ordaina jasotzeko baldintzak arautzen dituena (31. NAO - 2023/02/14).