Klima-aldaketa mehatxu handienetako bat da gure planetaren oraina eta geroari dagokienez. Nafarroan, asmo handiko lege bat onartu dugu, klima-aldaketak ekar ditzakeen ondorio kaltegarriak arintzen saiatzeko, isuriak murrizteari begira.

Nekazaritza ekologikoa sustatzen dugu, baita gure tokiko ekoizleen babesa eta animalien ongizatea ere, orekan oinarritutako elikadura-subiranotasuna lortze bidean.

Digitalizazioa eta landa-berrikuntza ardatz estrategikoak dira landa-eremuen despopulazioari aurre egiteko eta landa-ingurunean bizi-kalitate duina bermatzeko.

Energia iturri garbiak eta iraunkorrak behar ditugu ekonomia deskarbonizatzeko. Betiere, kontuan hartuta gutxien kutsatzen duen energia erabiltzen ez den hori dela. Horretaz jabetu behar gara.

Eraikinen birgaitze energetikoak; hiria, auzoak eta herriak berreskuratzeko hiri-berroneratzeak; eta prozesu industrializatuetan eraikuntza iraunkor berriak, eraikuntza eta gure bizitzeko modua eraldatzen lagunduko dute.

Ingurumena eta biodibertsitatea babestea funtsezkoa da ekosistema guztien eta bertan bizi diren espezie guztien babesa bermatzeko, baita klima-aldaketaren balizko ondorio kaltegarriak murrizteko faktore gisa ere.

Lehentasunezkoa da eredu ekonomiko lineal eta ez oso iraunkor batetik ekonomia zirkular batera igarotzea, batere hondakinik ez sortzea helburu duena, ondoko ekintzak ardatz hartuta: murriztea, berrerabiltzea, konpontzea eta birziklatzea.

Beste mugikortasun eredu iraunkorrago bat behar dugu, lehentasuna emanez garraio publikoari eta gutxiago kutsatzen duten garraiobideei, hala nola ibilgailu elektrikoari eta, jakina, bizikletari.