Enrique Beruete eta Julio Cifuentes (Madrilgo Unibertsitate Autonomoa) haitzuloetako faunan espezializatutako biologoek krustazeo espezie berri bat aurkitu dute Arraratseko haitzuloan (Basaburua).

3,5 mm-ko luzera dauka haitzuloetako isopodo txiki honi 'Trichoniscoides basozaina' izena jarri diote. Isopodoak, oso arruntki, kukurutxak bezala ezagutzen dira, eta euren espezie ugariak ingurune askotan daude.

Ornogabeari jarri dioten izena –'Trichoniscoides basozaina'– Sakana-Mendialdeko eta Lizarra Iparraldeko basozainen omenez jarri dute, lan hau eta beste batzuk egiteko laguntza eta prestutasuna agertzeagatik.

Ez da lehen aldia Enrique Beruete irakasle erretiratuak mota horretako espezie berriak ezagutarazten dituela. 2020an, Mendukiloko kabazuloan antzeko espezie bat zegoela egiaztatu zuen.

Aurkikuntza honen inguruko xehetasunak CSIC eta MNCN_CSIC-en Graellsia aldizkarian irakur ditzakezue jarraian aurkituko duzuen estekan.