Martxoaren 7an, ostirala, 19:00etan, "Emakumeen historia Karlismoaren Museoan" solasketa egin zen, honako hauekin:

Gemma Piérola. Geografia eta Historian Lizentziatua eta Historia Garaikidean Doktorea NUPen, bertan irakaslea da. Nafarroako Memoria Historikoaren Funts Dokumentalean kolaboratzailea, bere lehentasunezko ikerketa-ildoa frankismoaren garaiko emakumeen historia eta genero-diskurtsoak dira.

Patxi Caspistegui, Filosofian eta Letretan Lizentziatua (NU), Unibertsitate berean Historian Doktorea eta Irakaslea da, baita Garaikideko Historia katedraduna. XX. Mendeko Karlismoaren Historian espezialista eta Karlismoaren Museoko ikertzaile aholkularia.

Bestalde, Iaz Karlismoaren Museoak Emakumearen Nazioarteko Egunerako “Argitaratuak. Karlismoaren Museoko erakusketa bisitatzeko ikuspuntu berria" izeneko argitalpena aurkeztu zuen. 2020an hasitako "Emakumeak eta karlismoa" proiektua osatzen duen gida da, Lizarrako museoaren jardueretan eta ikerketa-ildoetan emakumeen historia txertatzea helburu duena.

Argitalpenak hamaika atal ditu, eta horietan agerian jartzen da emakumeek karlismoaren historian izan duten protagonismoa eta izan duten papera, kultura-ondarea zaintzeko eta transmititzeko funtsezko eragile gisa aurkezteaz gain.