Erakundeen arteko akordioa - NABI
Erakunde arteko akordioa
Erakunde arteko koordinazioa eta III. Akordioa
INAI/NABIk erakundeen arteko koordinazioa bultzatzen du, prebentzioa, detekzioa eta bizirik atera diren emakumeen eta haien seme-alaben arreta hobetzeko. 2017ko azaroan, Emakumeen aurkako Indarkeriaren aurrean Koordinatzeko Erakundearteko III. Akordioa sinatu zen, emakumeen aurkako indarkeriari aurre egiteko erakundeen arteko koordinazio eta lankidetza ahalik eta handiena eta onena lortzeko, osasunaren, hezkuntzaren, gizartearen, poliziaren, zuzenbidearen eta justiziaren eremuetan kalitatezko arreta bermatzeko.
Nafarroan emakumeen aurkako indarkeriaren aurrean koordinatzeko Erakundearteko III. Akordioa
Erakunde arteko III. Akordioaren jarraipen-txostenak
Erakunde arteko III. Akordioarekin batera, Profesionalentzako Gida egin da, prebentzioko eta arretako lan-baliabideen eta -prozeduren berri zehatz-mehatz emateko.
III. Akordioaren esparruan jarduteko protokoloak
-
Emakumeak sexu-esplotaziorako salerostearen aurkako Nafarroako Foroa: 2011n sortu zen, emakumeen aurkako indarkeria mota hori desagerrarazten laguntzeko, administrazioaren eta gizarte erakundeen artean koordinatuta. Horretarako, Nafarroan sexu esplotaziorako salerosketaren biktima diren emakume eta neskekin jarduteko eta koordinatzeko protokoloa dago, 2016ko abenduan aurkeztua. Sexu esplotaziora bideratutako salerosketaren biktima diren emakume eta neskekin jarduteko eta koordinatzeko protokoloa (2016) Salerosketaren adierazleen eguneratzea (2019ko martxoa)
-
Nafarroan emakumeen genitalen mutilazioa prebenitzeko eta mutilazio horren aurrean jarduteko protokoloa: prebentzioa eta esku-hartzea koordinatzeko esparrua ezartzen du, eta gizarte-, osasun- eta hezkuntza-zerbitzuen sistemako profesionalei oinarrizko ezagutzak ematen dizkie. Bertan ezartzen dira erakunde eta entitate sozial bakoitzaren eginkizunak, biktimei arreta ematen adituak diren erakundeen eta ardura hori duten erakundeen orientabideak, eta Nafarroan emakumeen genitalen mutilazioa prebenitzeko eta horren aurrean jarduteko protokoloa ezarritako zirkuituan zer koordinazio-ibilbide egiten diren biktima hartan sartzen denetik aurrera.
-
Emakumeen aurkako indarkeriaren aurrean jarduteko tokiko protokoloak egiteko gida: gidaren helburua da Nafarroako toki erakundeei laguntza eta aholkuak ematea protokoloak egin ditzaten emakumeen aurkako indarkeriaren aurrean erakundeen jarduna eta erantzuna koordinatu eta homogeneizatu ahal izateko. Emakumeen aurkako indarkeriaren aurrean jarduteko tokiko protokoloak egiteko gida