Nafarroako Analisi eta Prospektiba Bulegoa - Nor garen - Analisis y Prospectiva
Nor garen
Bulegoaren proiektuak 2025erako
Osasun demokratikoa, indarkeria matxista eta nafar nortasuna, aurten jorratuko diren gaiak
Osasun demokratikoa, zerbitzu publikoen inguruan herritarrek duten pertzepzioa, indarkeria matxista eta Nafarroako nortasuna aurkitzen dira Azterketa eta Prospektiba Bulegoak 2025erako egingo dituen inkesten gai nagusien artean. Horrela adierazi du Felix Taberna lehen lehendakariordeak eta Lehendakaritza eta Berdintasuneko kontseilariak, erakunde horretara egindako bisita batean, Txerra Garcia de Eulate zuzendari kudeatzailearekin batera.
2024ko lanaren memoria
Analisi eta Prospektiba Bulegoak lehen urteko memoria honetan deskribatu du 2024an egindako lana
2024an, Analisi eta Prospektiba Bulegoak zenbait txosten egin ditu lantzen dituen hiru arlo estrategikoetan: errealitatearen analisia, etorkizun posibleen prospektiba eta politika publikoetan erabakiak hartzen laguntzea. Gainera, zeharkako beste hiru arlotan lan egin du, zabalkundearekin, komunikazioarekin, prestakuntzarekin eta sektore askoren arteko lankidetzarekin loturik.
Ezagutu bulegoa
Zein da gure egitekoa? Zer ekarpen egiten dugu Foru Gobernuan? Errepasatu erakundearen gakoak
Analisi eta Prospektiba Bulegoaren xedea da Nafarroak gaur egun eta epe ertain eta luzean dituen erronkak eta aukerak identifikatzea informazioaren analisi sistemiko baten bidez, ebidentzia enpirikoa eta zorrotza eskuratzeko politika publikoetan erabakiak hartu aurretik.
Helburuak
- Bulegoak, 2023ko urrian sortu baitzen, datozen hamarkadetako erronkei aurre egiteko prestatzen laguntzen dio Foru Komunitateari: demografikoak, ekonomikoak, geopolitikoak, ingurumenekoak, sozialak, sanitarioak, hezkuntzakoak...
- Zeharkako erakunde autonomoa da, eta Nafarroako Gobernuko Lehendakaritza eta Berdintasun Departamentuaren mende dago, zehazki Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiaren mende.
- Eskubide Sozialetako Departamentuan zegoen Gizarte Errealitatearen Behatokia ordezkatu du eta haren eginkizunak hartu ditu.
Zortzi lan-printzipio
- Herrialde-ikuspegia. Bulegoaren lana ikuspegi alderdikoitik at garatzen da, eta jarrera politiko ororen aurretik jartzen ditu datuak eta ebidentzia enpirikoa.
- Zorroztasun metodologikoa. Kalitatezko datuetan oinarritutako lana.
- Ikuspegi integrala. Nafarroako erronken azterketa integrala.
- Konplexutasuna onartzea. Bulegoak uztartu egiten ditu analisien eta proposamenen zorroztasuna eta komunikazio argia eta eskuragarria.
- Proposamenetara bideratua eta eraldatzailea. Saihestu edo lortu nahi diren etorkizunak identifikatu, eta horretara bideraturiko politikak iradokitzen ditu.
- Genero-ikuspegia. Zeharkakoa da analisi guztietan.
- Irisgarritasuna eta gardentasuna. Txosten, datu eta metodologia guztiak eskuragarri daude herritar ororentzat.
- Adostasun nahia. Azterketek Nafarroak dituen (eta izenen dituen) erronkei buruzko adostasun politiko eta sozialak biltzen dituzte.