Negozioen belaunaldi-erreleboa sustatzeko dirulaguntza.
Langabe bat kontratatzeagatiko soldata-gastuak diruz lagunduko dira, 6.364 euroko zenbatekoarekin lanaldi osoko kontratu mugagabe bakoitzeko, betiere gutxienez 6 hilabetez mantentzen bada. Emakume bat edo % 33ko edo gehiagoko desgaitasuna duen pertsona bat kontratatzen bada, 7.000 eurokoa izanen da zenbateko hori.
Horrez gain, pertsona autonomo onuradunari 5.000 euroko zuzeneko laguntza bat emanen zaio, kontratatutako pertsonari negozioaren ezagutzen transmisioak dakartzan gastuak eta premiak estaltzeko.
Gazte Enplegurako Programa Operatiboak (GEPO) kofinantzatu ditzake laguntza horiek. Kasu horretan, kontratatutako pertsonek, aurreko baldintzez gain, 30 urtetik beherakoak izan beharko dute eta Gazteentzako Bermea Sisteman izena emanda egon beharko dute.
Dirulaguntza banakako ebaluazioaren bidez izapidetuko da. Eskaerak aurkezten diren ordenari jarraikiz tramitatuko eta ebatziko dira espedienteak, eta aurrekontuetan horretarako kreditua den bitartean.
Epeak:
Eskaerak eta eskatutako dokumentazioa aurkezteko epea hilabetekoa izanen da, kontratu harremana hasi eta hurrengo egunetik hasita, baldin eta deialdi hau Nafarroako Aldizkari Ofizialean argitaratu bada.
2022ko urtarrilaren 1aren eta deialdia Nafarroako Aldizkari Ofizialean argitaratu bitartean egin bada kontratua, epea hilabetekoa izanen da, Nafarroako Aldizkari Ofizialean argitaratu eta biharamunetik kontatzen hasita.
2022ko irailaren 30era arte sinatutako lan kontratuen eskaerak bakarrik onartuko dira, eta 2022ko urriaren 30ean amaituko da eskaerak aurkezteko epea.
Datu pertsonalen babesari buruzko informazioa.