Oinarrietan ezarritako baldintzak betetzen dituzten irabazi-asmorik gabeko LGTBI+ elkarteak edo erakundeak:

• Eratua egotea indarra duen legeriaren arabera, nortasun juridikoa izatea eta dagokion erregistroan inskribatua egotea.
• Irabazi asmorik ez edukitzea.
• Nafarroako Foru Komunitatean jardutea.
• Haien estatutuetan xede gisa agertzea LGTBI+ pertsonen egoera hobetzeko konpromisoa eta kolektibo horren berdintasunerantz aurrera egiten jarraitzekoa, bizitza sozial, ekonomiko, kultural, laboral edo politikoaren edozein esparrutan.

Deialdiak 50.000 euroko zuzkidura du.

Elkarte edo erakunde bakoitzak dirulaguntza eskatu ahal izango du proiektu bakarra egiteko. Eskatu beharreko zenbatekoa 10.000 eurokoa edo txikiagoa izango da.

Gauzatzeko epea 2025eko urtarrilaren 1etik urriaren 31ra bitartekoa da.

Diruz lagunduko dira genero-ikuspegia duten aukera-berdintasuna sustatzeko jarduerak biltzen dituzten proiektuak, bai eta bizitza sozialean, ekonomikoan, kulturalean eta lan-bizitzan parte hartzeko eta presentzia izateko jarduerak ere, gizartean erabat integratu daitezen.

Prozeduraren urratsak:

• Nafarroako Berdintasunerako Institutua - NABIren balorazioa.
• Dirulaguntza emateko ebazpena.
• Ordainketa aurreratuaren ebazpena.
• Justifikazio-agiriak fitxa honen bidez aurkeztuko dira, urriaren 31 baino lehen.
• NABIk eskatzaileek aurkeztutako justifikazio-dokumentazioa baliozkotzea.
• Ordainketa-ebazpena.
• Abonua egitea.

Eskaera-fasea

Eskaera telematikoa egitean, dokumentu hauek erantsi beharko dituzu, beren izenarekin behar bezala identifikatuta:

• 3. eranskina. Eskaera
• 4. eranskina. Proiektua
• 5. eranskina. Funtsen aurrerakina (hala badagokio)
• Estatutuak eta dagokion erregistroan inskribatzea (lehenago entregatu ez bada).
• Transferentzia bidezko ordainketa-eskaera (aurretik entregatu ez bada, Kontuak eta Ordainketak fitxaren bidez).

Ez da eskatuko dokumentazio hau aurkeztea, baldin eta Nafarroako Foru Komunitateko Administrazioaren organoek egiaztatu behar badute edo haren esku badaude.

Emakida-fasea

"Tramitazioa" ataletik aurkeztuko da, eta bertan egongo da aurkeztu beharreko dokumentazioa:

Gardentasun-betebeharrari buruzko adierazpena. Bi eranskin ditu:

• I. eranskina. Organoen osaerari eta dedikazioari buruzko adierazpena.
• II. eranskina. Kargudunen ordainsariei buruzko adierazpena.
• Urteko azken kontuen kopia.

Justifikazio-fasea

Aurkezteko azken eguna: 2024ko urriaren 31.

• 6. eranskina. Memoria
• Egindako ekintzen eta horiek gauzatzetik edo hedatzetik eratorritako produktuen dokumentu-frogak, Nafarroako Gobernuaren logotipo ofiziala eta Nafarroako Berdintasunerako Institutuaren sinbolo grafikoa barne.
• 7. eranskina. Gastuen eredua (Excel). Jatorrizko fakturak eta dagozkien ordainketa-dokumentuak erantsiko dira.
• 8. eranskina. Beste dirulaguntza batzuei buruzko adierazpena.
• 9. eranskina. Enpresa aukeratu izanaren ziurtagiria.

Nafarroako Gobernuaren logoa eta NABIren dirulaguntza.

• 283E/2025 Ebazpena, deialdia onesten duena (NAOn argitaratzeke).
• 11/2005 Foru Legea, dirulaguntzei buruzkoa.