1. Hezkuntza Bereziko BEKAK: jantokia, garraioa eta erresidentzia

• 3 eta 21 urte bitarte izatea (2024ko abenduaren 31n beteak).
• Familiaren 2023ko per capita errenta 18.000 eurotik gorakoa ez izatea (baldintza honek ez du eraginik izanen Hezkuntza Bereziko ikastetxeetarako garraiorako beketan).
• Edozein maila edo gradutako ikasketak egitea:
  • Hezkuntza Bereziko ikastetxeak
  • Egitura espezifikoak
  • Curriculum Bereziko Unitateak (CBU)
  • Lanbide Heziketa Bereziko zikloak
  • Oinarrizko Lanbide Heziketa Espezifikoa

2. Hezkuntza Bereziko LAGUNTZAK: hezkuntza laguntzako berariazko premiak eta goi-gaitasunak dituzten ikasleentzako

• 3 eta 18 urte bitarte izatea (2024ko abenduaren 31n beteak).
• Familiaren 2023ko per capita errenta 18.000 eurotik gorakoa ez izatea.
• Nafarroako Foru Komunitateko ikastetxe batean eskolatutako ikasleak:
  • Haur Hezkuntza
  • Lehen Hezkuntza
  • Derrigorrezko Bigarren Hezkuntza
• Honako hauek dituzten ikasleak:
  • Hezkuntza premia bereziak izatea, jarraian adierazitako egoera baten ondorioz: adimen-desgaitasunari, AENri, komunikazioaren eta hizkuntzaren nahasmendu larriari, entzumen-desgaitasunari, ikusmen-desgaitasunari, mugimen-desgaitasunari eta jokabidearen nahasmendu larriari lotutako hezkuntza premia bereziak.
  • EDUCAn PRE-ACArekin adierazitako gaixotasun arraroen ondoriozko hezkuntza premiak.
  • Heltze atzerapena Haur Hezkuntzako etapan.
  • Adimen gaitasun handiak, beren ikastetxeko prestakuntzaren osagarri diren jarduerak behar dituztenak.
  • Hizkuntzaren zailtasunak eta Hizketaren soinuen nahasmendua 5 urtera arte.
  • 5 urtetik aurrera logopediaren beharra duen hizkuntzaren garapenaren nahastea.
  • Arreta nahasmendua (ArN), arlo instrumentaletan ikasturte bateko edo gehiagoko curriculum atzerapena eragiten duena, baldin eta Errekuperazio Programak (EP) eta Sartzeko curriculum egokitzapenak (SCE) aplikatzen ari badira, eta Educan EP-SCE gisa jaso bada.
  • Ikaskuntzaren nahastea, larritasun maila ertaina edo larria duena, trebetasunetan ikasturte bateko edo gehiagoko curriculum atzerapena eragiten duena, betiere curriculumera sartzeko eta hura indartzeko neurriak aplikatzen ari badira, eta Educan EP-SCE gisa jaso bada.

Desgaitasuna izanik derrigorrezkoaren ondoko eta unibertsitateaz kanpoko hezkuntzan ari diren ikasleentzako laguntza:

• 16tik 21era urte bitarteko adina izatea, betiere 2024ko abenduaren 31n beterik.
• Familiaren 2023ko per capita errenta 18.000 eurotik gorakoa ez izatea.
• Nafarroako Foru Komunitateko ikastetxe batean eskolatutako ikasleak:
  • Batxilergoa
  • Erdi eta goi mailako Lanbide Heziketa
  • Arte Plastikoetako eta Diseinuko erdi eta goi mailako lanbide ikasketak
  • Erdi mailako eta goi mailako kirol irakaskuntzak
• Psikiko, zentzumenezko edo mugimenezko desgaitasuna edo nahaste psikiatriko larriak izatea eta laguntza pedagogiko berezia edo garraio egokitua behar izatea.

Guztira 555.000 euro. Ministerioaren, 2024-2025, bekaren osagarria da.

• Hezkuntza Berezirako Bekak:
  • Jantokia: 700 euro arte
  • Garraioa: 2.500 euro arte
  • Egoitza: 1.800 euro arte (familia etxebizitzatik ikastetxerako distantzia 30 km-tik gorakoa denean).
• Hezkuntza laguntzako berariazko premiak dituzten ikasleentzako Laguntza:
  • Hezkuntza premientzako laguntza: 1.300 euro arte
  • Goi gaitasunetarako laguntza: 700 euro arte
  • Psikomotrizitate tratamenduak, soilik Haur Hezkuntzako ikasleentzat: 1.300 euro arte.
  • Hezkuntza laguntzarako zentrora joateko garraioa: 500 euro arte, etxetik laguntza zentrora 10 km baino gehiagoko distantzia badago. 

Desgaitasuna izanik derrigorrezkoaren ondoko eta unibertsitateaz kanpoko hezkuntzan ari diren ikasleentzako laguntza:

• Laguntza: 1.500 euro arte
• Hezkuntza laguntzarako zentrora joateko garraioa: 500 euro arte, etxetik laguntza zentrora 8 km baino gehiagoko distantzia badago.

Prozeduraren urratsak:

• Behin-behineko ebazpena.
• Zuzenketak eta erreklamazioak.
• Behin-betiko ebazpena.
• Gastuen justifikazioa.
• Hezkuntza Bereziko Beken eta Laguntzen ordainketa.

Eskabide guztietarako dokumentazio komuna:

Honako agiri hauek erantsi behar dira:

1. Aitaren, amaren edo tutorearen NAN/AIZaren fotokopia. Agiri horiek ez dituen eskatzaileen kasuan, pasaportearen fotokopia.
2. Etxean bizi den familia-unitateko kide bakoitzaren familia-liburuaren edo erregistro elektronikoaren fotokopia osoa. Guraso bananduen edo dibortziatuen kasuan, zaintza partekatua ez denean, ikaslea laguntza eskatzen duenaren ardurapean dagoela egiaztatzen duen agiria.
3. Eskatzailearen familia-unitateko kideek aurkeztutako 2023. urteko PFEZ aitorpenen fotokopia osoa. Zaintza partekatua izanez gero, guraso bien aitorpenen fotokopia (Errenta-Nafarroako Ogasuna kontsulta). Familia-unitateak 2023ko PFEZ aitorpena egin ez badu, legez horretarako behartuta ez dagoelako, eskabidearekin batera hori adierazten duen ziurtagiria aurkeztu beharko du (Ziurtagiriak-Nafarroako Ogasuna).
4. Familia-bizilekuaren ziurtagiria (erroldatzea) eguneratua; dokumentu honen balio-aldia hiru hilabetekoa da.
5. Banku-titulartasunaren ziurtagiria.

Beken eskabideetarako, ondokoa gehitu beharko da:

1. III Eranskina: beka eskatzen denean bete beharreko eranskina.
2. V Eranskina: MEC beka eskatu ez izanaren egiaztagiria.

Hezkuntza Bereziko laguntzak eskatzeko, honako hauek gehituko dira:

1. IV Eranskina: laguntza eskatzen denean bete beharreko eranskina.
2. Laguntza eman behar duen entitatearen txostena (programaren laburpena, dagokion ikastetxearekiko koordinazioa eta laguntzaren kostuaren aurrekontua ziurtatzen duen agiria).
3. V Eranskina: MEC beka eskatu ez izanaren justifikazioa.

Unibertsitatekoa ez den derrigorrezkoaren ondoko hezkuntzako ikasleendako laguntzen eskabideetarako, ondokoa gehituko da:

• Desgaitasun-mailaren kalifikazioaren ziurtagiria, adimen, ikusmen, entzumen eta mugimendu desgaitasunaren maila % 33koa edo handiagoa dela adierazten duena.
• Osasun ziurtagiria, ikasleak nahasmendu psikiatriko larria duenean.

79/2024 Ebazpena, 2024-2025 ikasturteko deialdia onesten duena.