Programaren helburua komunikazio-gaitasunak areagotzea da, batez ere ahozko adierazpena, bertsolaritzak berezkoa duen hizkuntzaren erabilera bat-batekoaren bidez. Bertso inprobisatuak norbere buruan konfiantza eta segurtasuna sustatzen ditu ikasleengan, eta komunikazioa hobetu dezaketela eta hitz-jarioa azkartu dezaketela ikusarazten die. Programak bertsoaren ezaugarriak lantzen ditu: teknika, erritmoa, metrika eta errima. Gainera, euskal literaturan bertsolaritzaren ahozko tradizioa jorratzen da.