Espainian edo atzerrian ikasten duten nafarrak, baldintza hauek betetzen badituzte:

• Nafarra izatea eta Nafarroan erroldatuta egotea 2021eko urtarrilaren 1a baino lehenagotik. Egoera horri eutsi beharko zaio bekak irauten duen bitartean.
• Gehienez 30 urte izatea deialdi hau argitaratzen denean.
• Beka zein ikasketatan sakontzeko eskatzen den, arlo horretako ikasketa-titulu ofiziala izatea. Salbuespenez, beste instituzio batzuek emandako tituluak onartuko dira, Hezkuntza Ministerioak homologatuta ez badaude ere. Salbuespen hori arte eszenikoen kasuan aplikatuko da.

Beka hauen onura publikoko helburua da, alde batetik, bekadunek kanpoan proiektatzea Foru Komunitateko maila kultural eta artistikoaren irudia, eta, bestetik, aukera izatea bekadunek lortzen duten ezagutza aprobetxatzeko prestakuntza proiektuak bukatu ondoren.

Beka hauetarako 163.593,30 euro bideratuko dira gehienez, eta Vianako Printzea Erakundea-Kultura Zuzendaritza Nagusiaren 2022ko eta 2023ko gastu-aurrekontuaren kargura finantzatuko dira, honela:

• 2022ko ekitaldi ekonomikoa: 63.593,30 euro
• 2023ko ekitaldi ekonomikoa: 100.000 euro

Informazio gehiago dago oinarri arautzaileetan.

• Eskabide eredua (berriak). I Eranskina
• Eskabide eredua (luzapenak). II Eranskina

• 34E/2022 Foru Agindua, “ÁGORART 2022. Arte ikasketetan sakontzeko bekak” deialdia onesten duena. (73. Aldizkaria- 2022ko apirilaren 12a).
• 128E/2022 Ebazpena, Vianako Printzea Erakundea-Kultura zuzendari nagusiak emana, ebaluazio batzordeko kideak izendatzen dituena.

195E/2022 Ebazpena, onartuen eta baztertuen behin betiko zerrenda onartu eta elkarrizketa pertsonalen egutegia ezartzen duena.