Arnaitz Fernández Elias (Pertsona Gaztearen Golardoa), Gazte Berri Kolektiboa (Gizarte Partaidetzaren Golardoa) eta San Martín de Unxeko Udala (Entitatearen Golardoa) Nafarroako Gazteriaren Institutuak (NGI) ematen dituen 2021eko Gazteria Sariekin aintzatetsi dira, eta gizartearen parte-hartzea, autonomia eta partaidetza bultzatzen duten ibilbide eta lan pertsonalak edo kolektiboenak bereizten ditu.

Gainera, Aralar Elkarteari aipu berezi bat egingo zaio bere 25. urteurrenagatik. Golardo banaketa garatuko da azaroaren 26ko, ostirala, 17:00etan, Nafarroako  Jauregiko Tronuaren Aretoan, Nafarroaren Eguna ospatzeko ekitaldien baitan.

Edizio honetara guztira 17 hautagaitza aurkeztu dira. Esleipena Nafarroako Gazteriaren Golardoetarako Aholku Batzordeak egin du, eta xede horretarako bildu da Nafarroako Gazteriaren Institutuko egoitzan. Batzordearen baita daude Nafarroako Gazteriaren Kontseilua, unibertsitateak, hedabideak, udaletxeko teknikari gazteak, arestian sarituak izandako pertsonak hala nola Nafarroako Gazteriaren Institutuko ordezkariak.

Golardoa Pertsona Gazteari, Arnaitz Fernandez Elias

Pertsona Gaztearen Golardoak saritzen du, banaka, pertsona bat bere ibilbide pertsonalean ageriko moduan gizarte modernoen balioak dakartzana, adibidez elkartasuna, esfortzua, lanketa, tolerantzia, kulturartekotasuna edo nazioarteko mugikortasuna, betiere beste pertsona gazte batzuentzat erreferentea denean.

Arnaitz 25 urteko gazte bat da, fisikaria, meteorologoa eta aurkezlea. Twitter-eko bere profilak 15.000 jarraitzaile ditu eta haiekin partekatzen ditu zaletasuna eta meteorologiako prozesuen inguruko bere ezagutzak.

Ospea lortu zuen konfinamendu garaian, gaurkotasun meteorologikoa eta klima larrialdia jakitera emateko bere moduagatik eta gazteen arreta erakartzea lortu izateagatik. Bere ametsa betidanik izan da RTVE-ko eguraldiko gizona izatea eta aurten lortu egin du.

Gazte Berri Gazteen Kolektiboa

Parte Hartze Sozialari dagokion Golardoak gazteriaren partaidetza bultzatu eta bideratzen duen talde edo elkarte bat saritzen du, jarduera maila handia dela medio, eta pertsona gazteen parte hartze eraginkorra bermatzen du Nafarroako politika, gizarte, ekonomia eta kultura alorren garapenean.

Gazte Berri Kolektiboak 1996ko urtarrilean ekin zion bere ibilbideari, jarduerak sustatuz eta Vianako pertsona gazteak dinamizatuz, sustatzen eta laguntzen arituz Gazteriaren Astea, Zuhaitz Eguna, gazteen bazkariak, Kontsumoaren prebentziorako jardunaldiak eta kulturarteko asteak bezalako ekimenetan.

Kulturarteko kontzertuetatik Viana Rock-era pasatu zen eta, jarraian, Vianako Udalaren laguntzarekin, MUGACU Fest-era (Musika, gastronomia eta kultura), azken ediziotan 5.000 pertsona baino gehiagoren partaidetza lortuz eta halaber Nafarroako Gobernuak Live Music-en baitan hartutako ekimenetako bat izanik.

Abantailak biderkatu egin dira gazteek Udalarekin kolaboratzean, izandako inplikazioagatik eta gizarte ehun osoaren erantzunagatik.

San Martin Unxeko Udala

Entitateari edo Erakundeari (publikoa, pribatua edo toki entitatea) emandako Golardoak gazteriaren aldeko bere jardunagatik nagusitzen diren erakundeak errekonozitzen ditu, pertsona gazteen parte hartze soziala, autonomia edo bizi-kalitatea bultzatzen dutelako, bere jarduketa Nafarroako pertsona gazteengana edo hauek lehenesten dituzten ekintzen garapenera zuzenduta dagoenean.

San Martin Unxeko Udala hautagaia izan da Europan proiektu aitzindaria den San Martin Unx Herriko ECO prestakuntza eta ekintzailetza Proiektuarengatik.

“Bodegas San Martin” liderra eta San Martín Unxeko Udala laguntzailea izanik.

Bere helburua da enplegua sortu eta landa-inguruneko despopulazioa baretzea, inguruneak eskaintzen dituen baliabideen ustiapen jasangarriak direla medio, gehienbat espezie autoktonoak eta desagertzeko arriskuan daudenak, ardoa eta olioa fabrikatzeko jarduerari begira. Pertsona langabetuengana zuzenduta dago eta gazteria lehenesten du.

Aipamen berezia Aralar elkarteari

Era berean, Aholku Batzordeak ahalmena du golardo bat edo gehiago emateko, aipu berezi modura, gazteriaren esparrua eragiten duten ekintza garrantzitsuak direla eta. Oraingoan, Aralar Elkartea aintzatetsi nahi izan da, 25. urteurrenean, izan ere, 1996an fundatu zenetik, joko patologikoaren arazoa duten pertsonei eta bere familiei laguntza eta babesa emateko helburua lehenestea erabaki du.

1996. urtetik, joko patologikoaren gaia jakitera eman, sentsibilizatu, jendarteratu eta prebentzioa landu nahi izan dute, gizarteko arazo berriekin egokitze aldera, baita substantziarik gabeko beste adikzio batzuetan ere. 2019an eta 2020an, arreta jaso zuten erabiltzaileen % 40, 35 urtetik beherakoak izan ziren. Beraz,  gaur egun, inoiz baino lan gehiagorekin jarraitzen dute.