Nafarroako Gobernuak, Vianako Printzea Erakundea-Kultura Zuzendaritza Nagusiaren bidez, 220.000 euro eman dizkie guztira 16 erakunderi kultura zabaltzeko, prestatzeko eta kudeatzeko, hiru deialdiren bidez. Zehazki, IDEIA -ren, 948 Viveros-en  eta  kultura arloko profesionalen irabazi asmorik gabeko elkarteei zuzendutako diru-laguntzen deialdiak ebatzi dira.

IDEIA da ugariena, eta hamaika elkarte edo fundaziok Iizanen dira onuradunak.  Horien artean 140.000 euro banatuko dira kultura zabaltzeko proiektuak egin ditzaten. Izan ere,  helburua da hedapen-jarduerak modu egonkorrean garatzen dituzten erakunde eta elkarte kulturalek Nafarroan egiten dituzten proiektuak finantzatzea, hitzaldi, erakusketa, lehiaketa, biltzar, zinema-ziklo eta antzekoen bidez.

Hauek izan dira erakunde onuradunak: Kontalariak Elkartea (12.000 euro Brif Braf Bruf proiektuarentzat); La Caracola Kultur Elkartea (11.900 euro Mapamundistentzat); Nafar Ateneoa Elkartea (15.000 euro 2021erako bere kultur proiekturako); Nafarroako Bertsozale Elkartea (15.000 euro Nafarroako Bertsolari Txapelketarako); Tiza Kotifikazioa Sustatzeko Elkartea (15.000 euro XII. 
Azoka); Cascanteko Lagunak Kultur Elkartea (13.700 euro Cascanteko XIV. Erromatar asterako); Nabarralde Fundazioa (9.000 euro Ondare, Paisaia eta Globalizazioaren VII. Sinposiorako); El Vértigo de la Trapecista Kultur Elkartea (10.000 euro Letraheridasentzat); Nafarroako Dantzarien Biltzarra (14.400 euro Dantza Berrikasizentzat); Trastero Creativo (9.500 euro Zinetika jaialdirako); eta Instituto Promoción Estudios Sociales IPES Elkarteak Fundazioa (14.500 euro Zinema eta Emakumeen Nazioarteko Zinemaren 35. erakusketarako).

948 VIVEROS

Bestalde, beste bi erakunde izan dira 948 VIVEROS -i dagozkien laguntzen onuradun, eta 30.000 euro jasoko dituzte. Laguntza horiek sorkuntza artistikoa eta sortzen ari diren artisten hazkunde profesionala sustatzera bideratutako titulartasun pribatuko ekipamenduen kudeatzaileei zuzenduta daude, non ikasteko erraztasunak egon daitezkeen, berrikuntza-, ikerketa- eta ekoizpen-prozesuak abian jartzeko esparru batean.

Erakunde onuradunak ondorengoak izan dira: Mikel Belascoain Calatayud eta 15.000 euro jasoko ditu Fábrica de Arte Nuevo 2021 proiektuagatik eta David Laínez Aguirreri ere diru- kopuru bera emanen zaio, "El punto Gunea" -agatik.

Gainera, beste hiru erakundek jaso dituzte irabazi asmorik gabeko elkarteentzako laguntzak, eta 50.000 euro jasoko dituzte guztira. Deialdiaren helburua da kultura-arloko asoziazionismo profesionalaren funtzionamendua eta jarduera sustatzea, bai eta prestakuntzako, berrikuntzako eta hobekuntza profesionaleko proiektuak ere.

Erakunde onuradunak hauek izan dira: Nafarroako Ikus-entzunezkoen Ekoizle eta Profesionalen Elkartea (Napar) eta  27.934 euro jasoko ditu; Musika Industriaren Nafarroako Elkartea, 10.766 eurorekin; eta  Nafarroako Eszena, 11.300 euro jasoko ditu.