'Birpopulaketaren Autobusak' Espainiako bira abiatuko du Zubirin, Iruñean eta Los Arcosen jardunaldiekin

Karabanak Done Jakue Bidea zeharkatuko du, eta hirugarren edizioan emakumeen ekintzailetza eta emakumeak landa-ingurunean duen garrantzia izango ditu ardatz

2021ko uztailaren 17a

"Birpopulatzearen Autobusak", Espainia landatarra ekintzailetzat eta berrikuntza sozialekotzat hartzeko estatu-ekimenak, datorren astean ekingo dio Nafarroan urtero egiten duen birari, eta hiru geltoki izango ditu Done Jakue Bidea hasteko: Zubirin, Iruñean eta Los Arcosen. Karabanak Donejakue bidea egingo du uda osoan zehar, baita Espainiako beste herri batzuetan ere, irailaren erdialdean Santiagon amaitzeko. Hirugarren edizioan, emakumeen ekintzailetzan eta emakumeak landa-ingurunean duen garrantzian jarriko du arreta.

Karabanak Donejakue bidea egingo du uda osoan zehar, baita Espainiako beste herri batzuetan ere, irailaren erdialdean Santiagon amaitzeko. Hirugarren edizioan, emakumeen ekintzailetzan eta emakumeak landa-ingurunean duen garrantzian jarriko du arreta.

El Hueco ekintzailetza sozialeko zentroak sustatzen du bira, Nafarroako Gobernuarekin lankidetzan, eta Done Jakue Bidea egingo du pertsonak elkartzeko eta merkantziak eta ideia berriak trukatzeko ehunka urteko tradizioa berreskuratzeko asmoarekin. Modu horretan, 'Birpopulatzearen autobusa' uztailaren 19an, astelehenean, abiatuko da Zubirin, Esteribarren; 20an, asteartea, Iruñera joango da, eta 21ean, asteazkenean, Los Arcosetik igaroko da, Lizarraldeatik, gainerako ibilbidea egiten jarraitu aurretik.

Landa-inguruneko ekimenak bistaratzea

Autobusak egingo duen geraldi bakoitzean, solasaldia eta telebista-programa bat egingo dira, PresuraTVk YouTubeko kanaletan eta web orrialdean emateko, eta protagonistak eskualde bakoitzeko ekintzaileak izango dira, bereziki emakumeak.

Aurtengo goiburua “Landa Femeninoa” da; beraz, helburua da emakumeek landa-ingurunean duten eta etorkizunean izango duten pisuari balioa ematea eta hori bistaratzea, landa-eremuan ekintzailetza eta gizarte-berrikuntzako modu berriak birplanteatuz. Aurtengo autobusean emakume kapadun baten ilustrazio handi bat egin du, landa-eremuko heroi modernoarena, Maria Lezon euskal artistak.

Aurkezpena Zubirin

Zubirin, ibilbidea inauguratzeko, autobusaren aurkezpena egingo dute Toki Administrazio eta Despopulazioko zuzendari nagusia den Jesus Mª Rodriguezek eta Esteribarko alkate Matilde Añonek.

Ondoren, landa-gunea birpopulatzeari buruzko telebista-programa bat egingo dute, eta honako hauek parte hartuko dute bertan: Nafarroako Gobernuko Toki Administrazio eta Despopulazioko zuzendari nagusia den Jesus Mª Rodriguezek; Turismo, Merkataritza eta Kontsumoko zuzendari nagusi Maitena Ezkutarik; Nafarroako Berdintasunerako Institutuko zuzendari kudeatzailea den Eva Isturizek; eta Nafarroako Gazteria Institutuko zuzendari kudeatzaile Carlos Amatriainek.

Era berean, bertan izango dira Magnesitas Navarrako zuzendariondokoa, Jorge Baños; NUPeko Unibertsitatea-Sozietatea Fundazioko kudeatzailea, Iosune Pascual; eta Nafar Basoak Elkarte Turistikoko lehendakaria, Fernando Goñi.

Geraldiak Iruñean eta Los Arcosen

Uztailaren 20an, asteartea, autobusa Iruñera iritsiko da, eta Gaztelu Plazan geratuko da. Nafarroako Lehendakari Maria Chivitek karabanari harrera egiteko ekitaldian parte hartuko du, eta topaketa instituzionala egingo dute ekimenaren antolatzaileekin.

Bestalde, asteazkenean, hilaren 21ean, Los Arcosen, autobusaren aurkezpena egingo du Kultura eta Kirol Departamentuko kontseilari Rebeca Esnaolak, eta harekin batera izango dira herriko alkatea, Javier Chasco, eta El Huecoren zuzendaria, Joaquin Alcalde.

Jarraian, programa egingo da, eta honako hauek hartuko dute parte: Toki Administrazio eta Despopulazioko zuzendari nagusia den Jesus Mª Rodriguezek; Garraio eta Mugikortasun Iraunkorreko zuzendari nagusia den Berta Mirandak; Nafarroako Zirkuituaren zuzendari Javier de la Fuentek; NILSA sozietate publikoaren zuzendari kudeatzaileak, Fernando Mendozak; TEDERreko lehendakariak eta kudeatzaileak, Carmen Puertak eta Iñigo Nagorek; Los Arcoseko Udaleko Berdintasuneko zinegotziak, Maria Suberviolak; eta Irantzuko Lurrak Elkarteko turismo teknikaria den Charo Apesteguiak.

“Birpopulatzearen Autobusa” ekintzailetza soziala bultzatzeko El Hueco zentroaren ekimena da, eta honako hauen lankidetza jasotzen du: Nafarroako Gobernua, Red Eléctrica de España, Hispasat, Enisa, Errioxako Gobernua, Soriako Udala eta Cesce.