Nafarroako 15 gaztek "Xacobeo Gaztea 2021" programa amaitu dute, Compostelako Santiagoko Obradoiro plazara iritsi ondoren. Programa Nafarroako Gazteriaren Institutuak antolatu du, eta hainbat kokaleku historiko zein kultural bisitatzera eraman du gazte taldea, ekainaren 29an hasi zen ibilaldiko 175 kilometrotan zehar.

Taldea Luzaidetik eta Orreagatik abiatu ondoren, ibilbideak Nafarroa, Errioxa, Gaztela eta Leon hala nola Galizia zeharkatu zituen. Programaren lehenengo atalean, ibilbideak barne hartu zituen mendi-ibiltaritzako etapak hala nola bisita interpretatzaileak enklabe ospetsuetara, besteak beste, Atapuercako museoa, Yusoko monasterioa eta “Huelgas Reales”ekoa, Medulen Interpretazio Zentroa edo Leoneko Katedrala.

Bigarren atalean, taldeak Galiziako Bide Frantsesaren 5 etapak garatu zituen, helburua izanik Konpostela eskuratzea, alegia elizako agintariek ematen duten Done Jakue Bidearen garatu izana ziurtatzen duen dokumentua. Gazteak hiru monitore laguntzailerekin etorri ziren, beharrezko lekualdatzeak egiteko autobus batekin kontatuz.

Carlos Amatriain, NGI-ko zuzendari gerentea, bertan egon da taldea Done Jakueko Katedralera iritsi denean; eta halaber harrera jaso du Cristina Pichel Galiziako Xuntako Gazteria, Partaidetza eta Boluntariotzako zuzendari nagusia denaren aldetik. Amatriainek goraipatu du esperientzia honek gazteriarentzat aisialdiko aukera bezala duen balioa: “Gazteek Done Jakue Bideak dakartzan kultura eta historia erromes modura gozatu ahal izatea aukera oso aberasgarria da”. “Horrelako jarduerekin sustatu nahi dugu esperientzia bat barne hartzen dituena gozamena eta alderdi ludikoa atal hezitzaile modura balioen inguruan, esaterako bizikidetza, hartu-emana, kulturartekotasuna eta ingurumenaren iraunkortasuna”, erantsi du.

NGI-ko zuzendari gerenteak horrez gain Institutuak 2021 honetarako Karnet Gaztearekin batera aurkeztutako udako jardueren programazioa azpimarratu du, zeinek gazteentzako 3.000 jarduera plaza baino gehiago eskaintzen dituen, boluntariotza-eremuak eta aire libreko kanpalekuak barne.

Xacobeoa zuzenean

Talde nafarreko gazteek 18 eta 24 urte artean dituzte eta Karnet Gaztearen jabe dira, zeini esker parte hartu zuten NGI-k antolatutako jardueran.

Taldearekin batera Bidea zeharkatu duen monitoretako bat Bogomil Bogomilov da. 23 urteko gazte bulgariar honek, zortzi urte zituenetik Iruñan bizi denak, ez zuen Bidea zeharkatu aurretiaz baina ez zuen bi aldiz pentsatu aukera honen aurrean. Aisialdiko zuzendaria izanik, beste monitoreekin jarduerak prestatu zituen gazteek partaidetzaren bidez elkar ezagutu zezaten eta haiek lehenengo etapatik integratu zitezen.

Bogomilek komentatzen du taldea oso parte hartzailea dela, “guztiek ageriko ahalegina egin dute integratzeko eta hasieratik bat egin dugu”. Halaber aipatu du denak oso prestatuta daudela eta bere ezagutza maila handia dela: “Zenbait bisitetan, esaterako Leoneko Katedralarena, taldeak bere kabuz osatzen zuen gidariek emandako informazioa”.

Maider Larrainzar, jaiotzaz Cintruénigokoa, programako partaideetako bat da. Gaztea, zeinek abuztuan 22 urte beteko dituen, betidanik bere laguna izan den batekin apuntatu zen Karnet Gaztearen jardueretako newsletter-aren bitartez. Esperientziatik nabarmentzen du Bidearen lehenengo atala: “Hain denbora epe labur batean horrenbeste toki ezagutu ahal izatea biziki interesgarria izan zen: tokiak, monumentuak, hala nola toki bakoitzean bidearen historia ezagutu ahal izatea oso aberasgarria gertatu da guztiontzat”.

Bogomilek bezala, esan du berak ere oraindik ez zuela Done Jakue Bidearen etapa bakar bat ere garatu, “baina parte hartu izan dut Jabieradetan, eta horrek, zeharkaldiaren lehenengo egunetako prestaketarekin batera, neurri batean gogorragoak izan ziren azkeneko bost etapetarako esfortzua erraztu zidan”.

Jon Sagredo “Xacobeo Gaztea”ko beste partaideetako bat da. 22 urteko gazte iruñarrak, historiagilea eta filosofiako ikaslea izanik, azpimarratu du esperientzia honek jende berri asko ezagutzea ahalbidetu diola: “Xacobeoan lagun batekin egokitu naiz kasualitatez, baina onena izan da osatu dugun taldea eta bisitatu ditugun toki guztiak, oso emankorra gertatu da norberarentzat”. Jonen asmoa da, baita Bogomil eta Maiderrena ere, aurrerago Bide osoa zeharkatzea, agian bakarrik, honek ekarri ahal dion esperientziagatik.