Nafarroak azalera handien eta ertainen edukiera % 50era arte handitu du, eta, horrela, neurriak pixkanaka malgutzen jarraituko du, eta 15 pertsonara igo ditu zuzendutako kirol-jarduera fisikoen taldeak. Osasun Departamentuari buruzko foru agindu berria ostiralean sartuko da indarrean, eta igerilekuetako kanpoko espazioetan okupazioa arautzen du, erabiltzaile bakoitzeko metro karratuak kontuan hartuz.

Neurrien iragarpen berria sektore eta jarduera ezberdinen irekitasun mailakatu eta kontrolaturako bide-orriari jarraiki gauzatu da, Foru Komunitateko COVID-19aren egoera epidemiologiko eta sanitarioa kontuan hartuta. Parametro ezberdinak eta txosten teknikoak aztertu ondoren, Osasun Departamentua malgutasunekin modu antolatuan eta mailakatuan jarraitze aldera agertu da, egoera finkatuz eta haien eraginak monitorizatuz joateko helburuarekin, bai intzidentziari eta bai asistentzia-esparruko txertaketa kanpainaren inpaktuari dagokienez. Osasun arlotik diotenez, estrategiak “Exekutiboak azken asteotan garatutako departamentu arteko eta sektore arteko lan bikainaren ondorioz, ildo horretatik lanean jarraitzeko apustua berretsi du, atzerapausorik eman ez dadin bermea aginduz”.

Nafarroan pandemiaren eboluzioa positiboa izaten ari da gizartearen hein gero eta handiago bat txertatzen ari delako (aste honetan, foru Komunitateko txertoa jaso ahal duten herritarren erdiari baino gehiagori dagoeneko lehenengo dosi bat behintzat jaso jarri zaie), baina halaber bi arrisku faktore atzeman daitezke. Hasteko, sozializazioaren hedapena eta araudiko hala nola auto-babes neurrien erlaxamendua, izan ere, horren eragina jada nabarmena da lurraldeko kasuen gorakadan. Era berean, mugikortasunaren hedapenak birusaren aldagai berrien sarrera errazten du, kezka iturria eratuz kutsatzeko aukera gehiago izateagatik, ospitaleratzea hala nola ZIU arreta eskatzen duten infekzio larrien kasuek gora egiteagatik eta txertoen efektua murrizteko arriskuagatik. Horregatik, prebentzio komunitarioaren neurriak mantentzeko beharra gogorarazten da.

Nafarroako Gobernuak, Lehendakaritza eta Gobernu Irekiko Zuzendaritza Nagusiaren bitartez, informazioa argitaratu du neurri berrien inguruko galdera eta erantzun ohikoenen harira. Gaztelaniaz eta euskeraz idatzitako dokumentu bat prestatu da.

Ostiraletik aurrerako neurriak  

Foru Agindu berriak hipermerkatuen, azalera ertain eta handien, zentroen, merkataritza-parkeen edo horien egoera berdintsuan dauden establezimenduen edukiera % 40tik % 50era hedatu du. Portzentajea horien barne dauden lokal bakoitzean baimendutako edukiera maximoarekin egokitzen da. Bestalde, kirol jardueren arloan, zuzendutako jarduera fisiko eta kirol arlokoetan baimendutako pertsonen partaidetza maximoa 15ekoa da, kopurua 20 pertsonakoa izatera heldu ahal izanik, instalazioak baldintza jakin batzuk betetzen baditu: 5 metro karratu partaide bakoitzeko mugikortasun urriko jardueretarako eta 16 metro karratu mugikortasun handikoetarako. Eremu horretan, bestalde, aireztapen natural edo derrigortua (mekanikoa) jarriko da, airearen birzirkulazioa saihestuz.

Igerilekuak, kanpalekuak eta gurtza-lekuak

Igerilekuen arloan, gune berdetan baimendutako pertsonen kopuru maximoa pertsona bakoitzeko 4 metro karraturen arabera kalkulatuko da. kanpalekuei dagokienez, baimenduko dira, betiere gazteen kopurua gehienez 60koa denean eta monitore/partaideen ratioa 1etik 8ra bitartekoa edo urriagoa izaten bada. Bi mota daude: % 100 mugikorrak diren instalazioak (baimenduta daude, gaua pabiloi erako dendetan emanez gero, partaide bakoitzeko 4 m2-rekin kontatuz) eta instalazio mistoak, baldintzak agintari sanitarioek atal finkorako agindutako edukierak errespetatzea eta mugikorrerako arestian aipatutakoak mantentzea izanik.

Arau berriak neurri sanitarioak ezartzen ditu gurtzaren inguruan, eta dagokion edukiera, portzentaje baten araberakoa izan beharrean, pertsonen arteko distantziaren irizpidea jarraituz markatuko da; aldaketa horretarako arrazoia da eremu hauen ezaugarriak aulki eta bankuak bezalako altzarien erabilerari dagokionez bereziak direla eta, zenbait kasutan, dagokion erlijioaren berezko errituen ondorioz, mugitu ahal izateko eremu bat behar izaten dela. Ondorioz, pertsonen artean 1,5 metroko segurtasun distantzia bat mantentzeko obligazioa ezartzen da (pertsona bakoitzeko 2,25 m2-ren baliokidea), edukieraren muga maximoa 300 pertsonakoa izanik.

Bestalde, dagoeneko arestian onartutako malgutasunak mantentzen dira ostalaritzak eta jatetxe-arloak, funtzio anitzeko zentroek eta bingoek, olgeta-aretoek eta antzekoek bete behar dituzten ordutegien eta edukieren inguruan, kultura jardueretako edukieren eta ordutegien kasuan bezala.