Belateko tunel berriak larrialdietarako bost galeria izango ditu 500 metrotik behin, egungo tunelari lotuta. Erdiko galeriak larrialdietarako ibilgailuak igarotzea ahalbidetuko du, eta beste laurak oinezkoentzat izango dira, ibilgailu arinak sartzeko aukerarekin. Aurreikuspenen arabera, 27 hilabete inguru iraungo du eraikuntzak. Almandozeko tunelari dagokionez (gaur egungoa baino 160 metro luzeagoa izango da), larrialdietarako bi galeria izango ditu, eta lanak 17 hilabeteko epean egitea espero da. Era berean, nabarmendu behar da tunelen arteko zatian 210 metroko zubibide berri bat eraikiko dela, dagoen malda handia gainditzeko.

Maria Chivite Nafarroako Lehendakariak gaur jakitera eman dituen nobedade nagusienak dira, N-121-A errepidean (Iruña-Behobia) aurkitzen diren Belate eta Almandozeko tunelak bikoizteko trazatuaren proiektuari dagokionez, zein laster informazio publikoaren eraginpean jarriko den. Nafarroak azken hamarkadan garatu duen errepideko lan garrantzitsuena da. Aurkezpenera berarekin etorri dira Bernardo Ciriza Lurralde Kohesiorako aholkularia eta, Pedro Lopez Herri Lanen eta Azpiegituren zuzendari nagusia.

Chivitek azpimarratu du “errepide-sare seguruagoekin kontatzea dela, lurralde barneko komunikazioak hobetzeko, despopulatzearekin amaitzeko borrokarako eta tokiko ekonomiaren garapena babesteko, gure lehentasunetako bat, krisi honetatik irteteko gure bide-orria izatera datorren Nafarroa Suspertu Planean adierazten den bezala”.

Belateko eta Almandozeko tunelei dagokienez, Lehendakariak azpimarratu du “segurtasun arazo hau aspaldi bano asko aspaldiago konponduta egon beharko zatekeela. Eremu honekiko dugun zor historiko bat da, izan ere, tunel hauei dagozkien erabakiak hartzeko orduan 15 urte baino gehiagoko atzerapen bat metatu da”.

2019ko urrian Nafarroako Gobernuak tunel hauek bikoiztea erabaki zuen bi arrazoirengatik: alde batetik, segurtasuna hobetzeko; bestetik, 2004/54/CE Direktiba betetzeko, Europaz Haraindiko Errepideen Sareko tuneletarako segurtasun baldintza minimoen inguruan. Balizko aukera teknikorik onena eta behin-betiko konponbidea zela kontsideratu zen.

Bere parte hartzean, lehendakariak halaber azpimarratu du tunelen bikoizketa dela “Nafarroa aspaldidanik exekutatzera doan tamaina handieneko herri lana”. “Lan honek inpaktu ekonomiko nabarmena izango du Foru Komunitatean eta gure enpresetan. Lanaldi osoko 1.400 lanpostu baino gehiago eta BEG-rako (Balio Erantsi Gordina) 100 milioi euro inguru sortuko ditu”, adierazi du.

Trazatu berriaren ezaugarri orokorrak

Bikoizteko trazatu berria, 7.647 metroko luzerarekin, existitzen denaren alboan eraikiko da, 30 eta 100 arteko tuneleko tartetan ardatzen bitartez bereizita. Egungo errepidearen ezkerrean kokatuko da. 27+040 gune kilometrikotik abiatuko da, 5 tarte barne hartuz: Belateko tunelaren aurretik aire zabalean dagoen tartea; Belateko tunela; tunelen artean aire zabalean dagoen tartea; Almandozeko tunela; eta Almandozeko tunelaren ondoren aire zabalean dagoen tartea.

Aurreikusitako egutegiaren arabera, obrak 2022tik aurrera abiatuko dira eta aurreikusia kontuan hartuta, 2024ren amaierarako edo 2025aren hasierarako, Nafarroako errepide-sareko 500 metro baino gehiagoko Europaz Haraindiko Sareko tunel guztiak direktibako segurtasun eskakizunekin erabat egokituta egon ahal izango lirateke.

Lan honen exekuzioan zehar egungo trafikoa mantentzea aurreikusten da, aldizkako unetan izan ezik.

Belateko lanak, % 36ko goi mailako edo maila goreneko zailtasunarekin

Zabaltze proiektua Belateko tunelaren aurretik aire zabalean dagoen tartearekin abiatuko da, Belateko portura igotzerakoan NA-1210 errepidearekin existitzen den intersekzioan (Ultzamako Benten esteka); galtzada honek lau errai ditu. Horietako bat dezelerazio erraia da Iruña norabideko errepide nazionaleko irteerakoa, beste bi Iruña noranzkoan doaz eta azkena, Bera noranzkoan.

Galtzada hedatzeko lehenengo metroak eskuin aldean proiektatzen dira. 27+700 gune kilometrikotik aurrera, plataformaren eskuineko marjinak egungo errepidearen trazatua berreskuratzen du eta galtzadaren hedapena hasten da bere ezkerretik, Belateko tunel berriari bidea emanez.

Galeria berria (hego noranzkoan) 28+010 gune kilometrikoan hasten da, bere luzera gutxi gorabehera 2.885 metrokoa izanik, egungo tunelaren antzekoa. Hodi berri honetan existitzen den tunelarekiko bost konexio galeria aurreikusi dira 500 metroz behin. Erdikoak larrialdiko ibilgailuak igarotzea ahalbidetzen du eta beste 4ak oinezkoentzat izango dira, ibilgailu arinen sarbidea barne hartuz.

Bi erraietako bakoitzak 3,5 m-ko zabalera izango dute, 3 m-ko bazterbidearekin zirkulazioaren noranzkoarekiko eskuinera eta 1 m-ko beste bat ezker aldera. Galtzadaren albo bietan 0,75 m-ko bi espaloi aurreikusten dira, 5,5 m-ko galibo batekin kontatuz.

Tunel berriaren luzeraren eraikuntzari dagokion % 38,2ak zailtasun maila baxua edo oso baxua izango du (1.096 metro), % 25,5ak erdi mailako zailtasuna (730 metro) eta % 36,3ak berriz, goi mailako edo maila goreneko zailtasuna (1.040 metro).