Hezkuntza Departamentuak 8.000 ekipo informatiko banatu ditu Lehen Hezkuntzako 4., 5. eta 6. mailetako ikasle nafarren artean, ekipamendua hornitzeko prozesu berri batean; 2020-2021 ikasturte hasieran 11.000 ekipo banatu zituen departamentuak. Guztira, Departamentuak 28.000 ekipo jarri ditu ikasleen eskura.

Hezkuntzak ekipamendu informatikotan guztira 7.835.639 inbertituko ditu, banaketa honekin: 5.669.089 euro 2020an eta 2.166.549 euro 2021ean.  

Pedagogia irizpideak kontuan hartuta, lehen hezkuntzako laugarren mailako ikasleengana zuzendutako ekipo berriak ukimen-elementuak izango dira, etorkizunean horien balizko erabilera errazteko lehen hezkuntzako beheragoko mailetan, hala badagokio, betiere COVID-19aren egoerak ahalbidetzen badu.

Sare publikoko ikasleriaren artean eginiko ekipo informatikoen banaketa zifra joan den abenduan 11.000 chromebook, tableta eta ordenagailu pertsonaletara iritsi zen, arrakala digitala ixten jarraitzeko eta ikasle bakoitzeko ordenagailu banako eskuragarritasuna bermatzeko, lehen hezkuntzako laugarren mailatik batxilergoko bigarren mailara, 1-1 izendatutako programan.

Hezkuntzak , 2019-2020 ikasturteko pandemiaren hasieran dekretatutako ikastetxeen itxierari aurre egin zion, lehenengo 9.000 ordenagailu eramangarrien banaketarekin. Horrela, ikasturte akademiko honen hasieran Nafarroako DBH-ko 1. 2. eta 3. mailetako sare publikoko ikasle guztiek jada eskura zuten bere ekipo informatiko propioa. 2020-2021 ikasturte honetan DBH-ko 4. mailako eta Batxilergoko 1. eta 2. mailetako ikasleentzat ekipoak banatu ziren, hasiera batean 4.000, urrutiko hezkuntzako balizko egoeren aurrean arrakala ixteko. Hezkuntzak beste 7.000 ekipo banatu zituen 1-1 programaren baitan, DBH-ko 4. mailako, Batxilergoko 1 eta 2  mailetako eta Oinarrizko Lanbide Heziketako ikasleen hornikuntza osatuz. Bestalde, lehen eta bigarren hezkuntzako ikastetxetan mila kamera entregatu ziren, pandemiagatik sortutako beharrak asetzeko hezkuntzaren jarraipena streaming bidez garatuz.

“Educa en digital”

Aldi berean, Hezkuntza Departamentuak lanean jarraitzen du eskaini ahal izateko esperientzia bimodal osatu bat, irudi kalitate hobea ahalbidetuko duten optikako kamerekin, hala badagokio streaming erako klaseen segimendurako, mikrofonoak hala nola bistaratze-euskarriak barne. 

Hezkuntzak eginiko esfortzu teknikoak jada 28.000 ekipo informatiko barne hartzen ditu zeini erantsiko zaizkion halaber ikasle babesgabeentzako 3.150 ordenagailu konektagarritasunarekin; horiek Gai Ekonomikoen eta Eraldaketa Digitalaren Ministerioak sustatutako “Educa en Digital” programaren arabera banatuko dira, zeinekin Nafarroa atxiki zen, eta gobernu zentralak jada bideratu du bere lizitazioa 1.513.545 euroko inbertsioarekin; horietatik 1.210.836 Red.es enpresa publikoaren ekarpenari dagozkio.