Nafarroako Ogasunak epe laburrean Tafallan bulegoa zabalduko du zergadunei ohiko zerbitzua eskaintzeko. Hiriko Teófano Cortes plazan kokatutako bulegoa erabili ezinik geratu da pasa den astean zonaldean izandako uholde larriek eragindako kalteen ondorioz.

Tafallako behin-behineko bulegoa erdigunean kokatuko da. Bien bitartean, bulegoan bertan izapideak egin behar dituztenek Lizarrako (Koroatzearen plaza 2) edo Iruñan Esquiroz kalea 16 eta 20 bis bulegoetan egin ditzakete. Halaber, Zergadunen Arretarako 948 50 51 52 telefonoa erabilgarri dago eta baita hacienda.tributaria.navarra@navara.es e-posta ere.