Foruzaingoak, Nafarroako Udaltzaingoak eta Guardia Zibilak gidarien alkohola eta drogen kontsumoa kontrolatzeko eta detektatzeko kanpaina berri batean parte hartuko dute uztailaren 5etik 15era bitartean. Bide Segurtasuneko Nafarroako Estrategian aurreikusitako helburuekin bat etorriz, ekimen honen helburua da prebentziorako kontroletan alkoholemiako positiboak %1etik behera jaistea.

Urtean zehar hainbat kanpainatan garatu diren kontrol horiek, herritarren eta, bereziki, gidarien jarrera aldatzea ahalbidetzen duen faktoreetako bat bezala azaldu da. Halaber, egindako azken kontroletan positiboen beherakada nabarmena izan da.

Bide Segurtasunaren Nafarroako Estrategian kokatzen diren ekimen horiekin, alkohola eta drogen eraginpean istripuak izateko arriskuak biderkatu egiten direla kontzientziatu nahi dituzte pertsonak. Gainera, substantzia horien kontsumoak hilkortasun handiagoa eragiten du pairatutako lesioetan pronostiko okerragoa duen faktorea izateagatik.

Heriotzen %25ek alkoholarekin lotura dute

Kanpaina horietatik ateratako datuen bidez nabarmendu da, baimendutako lege-marjinen barruan sartzen diren alkoholemia tasekin, trafiko-istripuen arrisku-maila handitu egin daitekeela. Horregatik, gidatzeko tasa seguru bakarra %0 da.

Bide Segurtasuneko Europako Behatokiko datuen arabera, Europan, errepideko heriotza guztien % 25a alkoholarekin lotuta daude, eta, gutxi gorabehera, ibilitako kilometro guztien %1ªa bakarrik gidatu dituzte odolean 0,5 g/l alcohol baino gehiago duten pertsonek.

Odoleko alkohol kontzentrazioa gidariek areagotu ahala, istripuen intzidentzia-tasa ere handitu egiten da. Edanak ez dauden gidariekin alderatuz, 0,8 g/l-ko alkoholemia tasarekin istripuen intzidentzia tasa (hau da Europar Batasuneko 25 estatu kideetatik 3ren muga legala, Espainian 0,3 g/lkoa da), edana ez dagoen gidariarena baino 2,7 aldiz handiagoa da. Gidari batek 1,5 g/l-ko alkoholemia tasa badu, istripu horren eragin tasa edana ez dagoen gidari batena baino 22 aldiz handiagoa dela uste da.

Alkoholemia tasa handitzen denean, istripuen intzidentzia tasa oso azkar handitu ez ezik, istripua ere larriagoa izan daiteke. 1,5 g/l-ko alkohol-tasarekin, larritasun hilgarriko istripu-tasa alkoholik hartu ez duten gidariena baino 200 aldiz handiagoa da.

Alkoholaren efektuak aztertzen ari dira, eta jakin da erreakzio-denbora areagotu egiten duela, abiaduraren pertzepzioa gutxiesten du eta koordinazio-arazoak sortzen dituela, 0,3 eta 0,5 g/l arteko tasekin. Gainera, distantziaren pertzepzio okerragoa eman eta ikusmenaren arazoak sortzen dituzte, 0,8tik 0,8ra bitarteko tasekin; pertzepzio-, arreta- eta koordinazio-arazo larriak sortu eta logure maila igotzen dute, 0,8tik 1,5era bitarteko tasekin; eta efektuek hautemate-, arreta-, kontrol- eta koordinazio-arazo larriak ere sortzen dituzte, tasa 1,5 eta 2,5 gramo litroko artekoa denean.

Azterketa eta kontrol horien analisietatik ondorioztatzen da, istripuren bat jasateko arriskua erregistratutako tasaren arabera igotzen dela. 0,25 g/l-tik aurrera bikoizten da; 0,25 eta 0,40g/l-artean bider bost; 0,40 eta 0,75g/l-artean bider 9; 0,75 eta 1,25 bitartean bider 20, eta azken zatian, 1,50 g/l-tik aurrera, 40 aldiz biderkatzen da.

Puntuen araberako Baimenaren Legea indarrean sartu zenetik, zigortutako arau-hausleen % 12k eta kendutako puntuen % 14en kausa, gidatzean ezarritako alkohol-tasa gainditzea izan da. Gainera, bide segurtasunaren aurka egindako hiru delituetatik bi alkoholaren kontsumoarekin lotuta daude.

2018an alkohol kontsumoari lotuta 70.617 ibilgailu kontrolatuta eta 1.401, drogengatik

Bide Segurtasuneko Nafarroako Estrategiak bost polizia-kanpain egin zituen Foru Komunitatean 2018an ondorengo emaitzekin: 70.617 ibilgailu kontrolatuta, 546 salaketarekin alkohola edateagatik eta 1.401 kontrol, 373 salaketekin, drogak kontsumitzeagatik.

Halaber, Foruzaingoak 4.057 droga-probak egin zituen, 2017an baino %49 gehiago. Horren ondorioz, 1.259 auto-gidari salatu zituzten, %31,8a, listu-testak detektatzen dituen ondorengo bost droga motetatik batean positibo emateagatik: cannabinoides %57,9an, anfetaminas/metanfetaminas %43an, kokaina %25,6an, eta opiazeoak %3,1ean.

Estatuan 95.000 gidari guztira alcohol eta droga probetan positibo eman zuten. Heriotza-istripuen %26an ohiko faktorea da, eta istripuetan hirugarren arrisku portaera suposatzen du.