Irunberri, Zare, Pitillas eta Arangurengo abelbideen ezaugarriak zehaztuta geratu dira

Irunberri, Zare, Pitillas eta Arangurengo abelbideen ezaugarriak zehaztuta geratu dira

Bideak berreskuratzeko aurretiazko urrats bat da

2019/02/27

Nafarroako Gobernuak gaurko bileran abelbideak daudela aitortu du, eta, akordio bidez, Irunberri, Zare, Pitillas eta Aranguren udalerrietan desagertutako edo hondatutako mugarriak birjartzea onartu du. Bideak berreskuratzeko aurretiaz egin beharreko lan bat da, eta horrek, positiboki eragingo du lurralde-antolamendu eta landa-ingurunearen garapenean.

Haren zabalera, trazadura eta gainontzeko ezaugarri fisiko orokorrak hondatutako edo desagertutako mugarrien sailkapeneko eta birjarpeneko espedientean jasota daude. Hauek dira hain zuzen: Milagro-Aezkoaren Errege Bidea eta 26 zk. pasabidea; Irunberrin, Murillo el Frutotik Zaraitzura Errege Abelbidea, 9 zk., 10 zk., eta 13 zk. zeharkaleak; Pitillasen 15 zk. zeharkalea, 24 zk. pasabidea, 14 zk. bide-adarra eta la Abejera bide-adarra; eta, Zareren, Murillo el Frutotik Zaraitzura Errege Abelbidea.

Hondatutako edo desagertutako mugarriak birjartzearekin Nafarroako Gobernuak onartutako mugaketa eta mugarriztatzea duten abelbideak eguneratu nahi dira, gaur egungo baliabideekin abelbidea mugatzen duten mugarrien kokapen zehatza definitzearen bidez.