Landa Garapeneko eta Ingurumeneko Departamentuak nekazaritzako elikagaiak merkaturatzeko bide laburrak sustatzeko laguntzen deialdia argitaratu du NAOn. Toki entitateek modu telematikoan eskatu ahal izango dute, abuztuaren 8ra arte, tokiko produktua sustatzeko dirulaguntza.

Departamentuak 62.500 euro emango dizkio dirulaguntza horri, zeinek 30.000 euroko hedapenarekin kontatu ahal izango duen, zuzeneko salmenta eta hurbileko salmenta barne hartzen dituzten merkaturatze-bide laburrak garatzen eta finkatzen laguntzeko helburuarekin.

Toki-erakundeek banaka edo bi erakundek edo gehiagok parte hartzen duten lankidetza-proiektuen bidez eskatu ahal izango dute dirulaguntza. Zehazki, azoka, tokiko merkatu, produktu-erakusketa eta abar antolatzearekin; topaketak, foroak, lehiaketak, jarduerak eta mintegiak antolatzearekin; argitalpenak, katalogoak, bideoak eta liburuxkak argitaratzearekin lotura duten; eta produktu horiek sukaldaritza kolektiboko establezimenduetan sartzen laguntzen duten neurriak, erakunde publikoetako jantokiak barne hartzen dituzten ekintzak lagunduko dira diruz. Jarduera horiek guztiak Foru Komunitatearen esparruan egin beharko dira.

Onuradun bakoitzak 20.000 euroko kopurua jaso ahal izango du gehienez. 

425.000 euro ekoizle eta elkarteentzat

Laguntza hau NAOn aldez aurretik argitaratutakoari gehitu behar zaio, 300.000 euroko aurrekontuarekin, zein gehienez 200.000 euroko zenbatekoarekin handitu ahal izango den. Laguntza hori nekazaritzako elikagaien ekoizleen elkarteei zuzenduta dago, baldin eta kanal laburretan merkaturatzen badute eta zirkulu laburren bidez eraldatzea eta/edo merkaturatzea sustatzen duen nekazaritzako TEST espazioak kudeatzen dituzten elkarteak badira.

Uztailaren 28ra arte eskatu ahal izango da eta gastuak nekazaritzako elikagaiak merkaturatzeko bide laburren bidez saltzeko jardueretarako izango dira, baldin eta merkaturatze-bide horiek, osorik edo zati batean, erakunde onuradunarekin elkartuta dauden lehen mailako ekoizleenak badira, bai eta nekazaritzako TEST espazioen funtzionamendurako jarduerei dagozkienak ere.

Onuradun bakoitzeko gehieneko laguntza 100.000 eurokoa izango da eta mugatua egongo da ekoizle elkartuen kopuruaren eta fakturazio-bolumenaren arabera.

Azkenik, laster, hirugarren laguntza-lerro bat argitaratuko da, zein kanal laburretan merkaturatzen duten nekazaritzako elikagaien ekoizleek eskatu ahal izango duten.

100.000 euroko aurrekontuarekin kontatzen du ekologiaren esparruko ekoizleentzat, onuradun bakoitzeko gehienez 6.000 euroko laguntza eta ohiko ekoizpenerako gehienez 25.000 euro eta eskatzaile bakoitzeko gehienez 4.000 euro esleitu ahal izanik.

Diruz lagundu ahal izango dira nekazaritzako elikagaiak merkaturatzeko bide laburren bidez saltzeko jardueren gastuak, esterako zuzeneko salmentaren xede diren produktuen ontzi eta etiketa komertzialen diseinua, irudi korporatiboaren diseinua, logoa, sare sozialen diseinua; sustapen-ekitaldietan, lehiaketetan, produktuen erakustaldietan, kanal laburreko merkaturatzeko nekazaritzako elikagaien azoka eta salmenta-merkatuetan parte hartzeko behar diren tasak eta tarifak; dibulgazio- eta sustapen-materialaren sorkuntza; merkaturatzea kudeatzeko tresna informatikoen edo aplikazioen garapena, eta saltokia seinaleztatzeko tokiko salmenta-bereizgarria jartzeari dagozkionak.