Garapen Ekonomiko eta Enpresarialeko Departamentuak, I+G arloko Proiektu Estrategikoentzako Laguntzen deialdiaren bidez, IAFOOD proiektuari diru-laguntza eman dio, eta proiektuak adimen artifizialean eta ‘big data’n oinarritutako teknologiak garatzea lortu du, nekazaritzako elikagaien sektorearen produktibitatea handitzeko eta digitalizazioan aurrera egiteko. Plataformak aukera ematen du aztertutako produktuen kalitatea aurreikusteko, hainbat teknika erabilita. 

Proiektua, iAR softwarearen garapenean espezializatutako enpresak zuzentzen duen partzuergo batek garatu du, zeinetan partaide izan diren Florette, Urzante eta General Mills elikadura enpresak; Helphone, Das-Nano eta Accoustics Analytics teknologia garatzaileak; AIN eta CNTA ikerketa-guneak eta Nafarroako Unibertsitate Publikoa (NUP).

Proiektua bi esparruren arabera garatu da. Horietako lehena abangoardiako teknologia ezberdinen balorazioa izan da, esaterako hurbileko analisi infragorria (NIR), irudi hiperespektrala, ultrasoinuak, terahertz uhinak zein lurrunkorren sentsoreak, horrela nekazaritzako elikagaien enpresetarako garrantzizko elikagaien kalitatezko parametroen datuak hartzeko. 

Proiektua garatzeko erabilitako bigarren esparrua, bildutako datu guztiak aztertu ahal izango dituen plataforma baten sorrerari dagokio. Plataformak adimen artifizialaren eta ‘big data’ren teknikak erabiltzen ditu, erabiltzaileei datuak prozesatzen laguntzeko eta erabaki-hartze errazagoa ahalbidetzeko. 

Nafarroako Unibertsitate Publikoaren terahertz teknologiaren kasuan, honek lerroan txertatzeko ahalmena duen elikagaiak monitorizatzeko metodo berri bat suposatzen du, eta denbora errealean eginiko datuen bilketa erraztu egiten du. Horri esker, elikagaien hezetasuna neurtzea eta gorputz arrotzak detektatzea ahalbidetu da. Eta horri adimen artifiziala oinarri duten tekniken aplikazioari eransten badiogu, emaitza da ekoizpen katean zehar sortuko liratekeen balizko arazoen aurrean IAFOOD proiektutik eratorri den plataformak erabaki-hartze eraginkorrago bat ahalbidetzen duela. Horrela, akats gutxiago egitean, kostuak murrizten dira eta elikagaien kalitate-kontrola hobetzea eta elikagaien segurtasuna hedatzea lortzen da.

Plataforma hori izan da proiektu honen emaitza zeinekin nekazaritzako sektoreak bere digitalizazio prozesuekin aurrera jarraitzea ahalbidetu den, produktuen kalitatea nahiz elikaduraren segurtasuna hobetuz.

Deialdia

​​​​​​​Proiektua, 2020-2022 aldirako I + D proiektu estrategikoen deialdiaren esparruan garatu da. Deialdi honek, Espezializazio Adimentsuaren Estrategiak (RIS4) markatutako gai lehenetsiekin lerrokatuta dauden ikerketa eta garapen proposamenak diruz laguntzen ditu. Proiektuak hasiera batean onartutako 1.583.832,94 euroko aurrekontu batekin kontatzen zuen. Zehazki, IAFOOD proiektua adimen artifizialaren esparruan txertatuta legoke. Gainerako erronken harira, ibilgailu elektrikoekin, energia berriztagarriekin, medikuntza aurreratuarekin, elikadurarekin, bioteknologiarekin eta ideia berritzaileekin lotuta daude. Nabarmentzekoa da aurtengo deialdiak ekonomia zirkularrarekin lotutako zortzigarren erronka bat erantsi duela.