Nafarroako Lehendakari Maria Chivite Navascues buru izan da gaur goizean, Terrorismoaren Biktimen Europako Egunaren 21. urteurrenean. Bertan, Nafarroako Gobernuaren babesa agertu die terrorismoaren biktima guztiei eta haien familiei, eta erabat gaitzetsi du "giza eskubideen urraketa gorena".

Ekitaldian, zein 192 pertsona hil eta 1.893 zauritu izan zituen martxoaren 11an Madrilen izandako atentatu terroristaren 21. urteurrenarekin batera suertatu den, Chivite Lehendakaria izan da buru, eta bertan izan dira Nafarroako Parlamentuko presidente Unai Hualde, Gobernuaren Nafarroako ordezkari Alicia Echeverria, bigarren lehendakariorde eta Memoria eta Bizikidetza, Kanpo Ekintza eta Euskara kontseilari Ana Ollo eta Etxebizitza, Gazteria eta Migrazio Politiketako kontseilari Begoña Alfaro. 

Gainera, bertan izan dira José Luis Arasti, Carlos Gimeno, Fernando Domínguez, Óscar Chivite kontseilariak eta Carmen Maeztu zein Rebeca Esnaola kontseilariak, Foru Erkidegoko beste agintari batzuekin batera, Nafarroako Parlamentua osatzen duten talde politikoetako eta Estatuko Segurtasun Indar eta Kidegoetako ordezkariekin eta biktimen elkarteetako ordezkariekin batera, beste hainbat kargu instituzional ere.

Nafarroako hiriburuko Konstituzio Plazako Biktimen Monumentuaren aurrean, Chivite Lehendakariak eta Ana Ollo bigarren lehendakariorde eta Memoria eta Bizikidetza, Kanpo Ekintza eta Euskara kontseilariak gaztelaniaz eta euskaraz irakurri dute Foru Gobernuak onartutako adierazpen konstituzionala.

Bertan, Nafarroako Gobernuak “edozein ideia edo proiekturen aurrean terrorismoa eta indarkeriaren erabilera erabat gaitzesten eta errefusatzen” duela adierazi du, eta hezkuntza programen sustapena azpimarratu du, belaunaldi berriek “terrorismoaren praktikaren izugarrikeria” ezagutu dezaten, “biktimekiko enpatia sustatuz”. Horrekin batera, besteak beste, Terrorismoaren Biktimen Lege berri baten bultzada aipatzen du adierazpenak, “egungo errealitatera eta biktimen aitortzara egokituko dena, terrorismoaren biktimen elkarteekin eta talde politikoekin ahalik eta adostasun handiena bilatuz”.

Adierazpena irakurri ondoren, lore-eskaintza bat egin da, eta lore zuri bat jarri dute monumenturen ondoan, biktima guztien oroimenez. Leire Fernández Biolin-jotzailearen musikaz lagunduta egin dute eskaintza.

Adierazpen instituzionala, Terrorismoaren Biktimen Europako Eguna dela eta

Europar Batasunak aldarrikatu zuen martxoaren 11 izanen zela “Terrorismoaren Biktimen Europako Eguna”; nazioartean biktimez oroitzeko eguna, alegia. Hori dela eta, Nafarroako Gobernuak, ondoko Adierazpen Instituzionalaren bidez,

ERABAKI DU

1. Beste behin adieraztea ezen ETAk eta beste erakunde terrorista batzuek (GALek eta eskuin muturrari, ezker muturrari edo jihadismoari lotutakoek, esaterako) hainbat hamarkadatan gauzatutako indarkeria terrorista bidegabea eta legez kontrakoa dela; gainera, giza eskubideen urraketa handia izan zela eta dela; baita demokraziaren aurkako mehatxu larria ere; eta gure Komunitate osoaren gaitzespen eta kondena erabatekoa merezi izan zuela eta merezi duela.
2. Adieraztea Nafarroako Gobernuak erabat gaitzesten eta kondenatzen dituela terrorismoa (ETArena, indar handia izan baitu Nafarroan), eta indarkeria erabiltzea zeinahi ideia edo proiektu defendatzeko; halaber adieraztea zalantzarik gabe defendatzen duela biktima guztien eskubidea: egia, justizia, erreparazioa eta berriz ez gertatzeko bermeak izan eta eskuratzeari buruzko eskubidea. Errealitate hori aitortzeko egiten ari diren urrats positiboak balioetsita, gaur oraindik ere erabat ezinbestekoa da indarkeria gauzatu zutenek edo babes sozial eta politikoa eman zietenek gizartearen gehiengo handiarekin bat egitea; izan ere, gizarteak eskatzen die hausnarketa etiko integral bat egiteko jendaurrean.
3. Terrorismoaren biktimei babesa ematen jarraitzea, eta haiekin eta haiek ordezkatzen dituzten elkarteekin lankidetzan aritzea, haien eskubideak gauzatzeko. Horrez gain, gaitzestea terrorismoaren biktimen eta haien senideen duintasuna eta memoria urratzen dituzten ekintza guztiak.
4. Sustatzea oraingo belaunaldiek jakin dezaten terrorismoaren izua zer den, eta biktimekiko enpatia indartzea, jada abian dauden hezkuntza programen esparruan. Hona hemen programa horietako batzuk: “Memoria duten eskolak, bakearen eta bizikidetzaren alde” sarea, Eskutik programa (zeinak biktimak ikasgeletan hezitzaile gisa egotea sustatzen baitu) eta Nafarroako hezkuntza curriculumean txertatu diren unitate didaktikoak.
5. Terrorismoaren Biktimei buruzko beste lege bat sustatzea, duela 15 urte onetsitakoa eguneratzeko; lege hori egungo errealitatera eta biktimen aitortzara egokituko da, eta ahalik eta adostasunik handiena bilatuko du, terrorismoaren biktimen elkarteekin eta talde politikoekin hitz eginez. 
6. Adieraztea terrorismoa errealitate ikaragarri bidegabe eta antidemokratikoa dela, mina eta sufrimendua eragiten dituelako, eta xede edo ideia bat giza duintasunaren eta pertsonen eskubideen gainetik jartzen duelako. Horregatik azpimarratu nahi da ezen garrantzitsua dela terrorismoari irmo eta erabakitasunez erantzutea, baina betiere Zuzenbide Estatuaren barruan, nazioarteko legedia errespetatuz eta giza eskubideak babestuz, horiek demokraziaren zutabeak baitira."