Programen hartzaileak
Landa-eremuetako eta hiri-eremuetako emakumeei arreta pertsonalizatua emateko, banakako ibilbideak garatuko dira (informazioa, lan-arloko orientazioa, laguntza, aholkularitza, prestakuntza, lan-praktika eta, hala badagokio, mugikortasun geografikoa) enplegu-bilaketari eta zeharkako gaitasun eta trebetasunak sendotzeari begira.
Diruz lagundutako programak
- Gaitasun eta enplegu digitalak garatzera bideratutako programak.
- Honako arlo hauetara bideratutako programak: gaitasun eta enplegu berdeen garapena, ekonomia zirkularra, hondakinen tratamendua, energia aurrezpena edo efizientzia, energia berriztagarriak, garraioa eta mugikortasun jasangarria, uraren kudeaketa, birgaitzeak eta eraikuntza jasangarria eta baso zein nekazaritza aprobetxamenduak.
- 5.000 biztanletik beherako udalerrietan garatutako programak.
Programaren edukia
Programa hauetan laneratzeari begirako banakako ibilbide pertsonalizatuak diseinatu eta abiatuko dira, izaera ezberdinetako ekintzak uztartuta: lan-arloko orientazioa, aholkularitza, informazioa, zeharkako gaitasun eta trebetasunak lortzea, laneratzea errazteko jarduketak eta lan bilaetan laguntza ematekoak. Horrela sendotuko dira, aldi berean, berdintasun eragingarria eta diskriminaziorik eza enplegurako sarbidean. Horrez gain, parte hartzen duten emakumeen %20k laneratzea lortu beharko dute, dela norberaren kontura dela besteren kontura.
Dirulaguntzaren zenbatekoa
Jaso beharreko zenbatekoa 8. oinarri arautzailean aurreikusitakoaren arabera arautuko da.
Instrukzioak eta tramitazioa
Prozeduraren instrukzioa eta tramitazioa Nafar Lansare-Nafarroako Enplegu Zerbitzuko Lana Aktibatzeko eta Lurralde Koordinaziorako Zerbitzuari dagokio.
Laguntza hauek banakako ebaluazioaren bidez emanen dira, hau da, espedienteak tramitatu eta ebatziko dira eskaerak aurkezten diren ordenari jarraikiz eta aurrekontu-kreditua dagoen bitartean. Deialdi honetarako aurrekontu erabilgarria agortzen bada, eskaerak ezetsi eginen dira.
Dirulaguntzak emateko prozedura
Deialdi honetan ezarritako dirulaguntzak emateko, banakako ebaluazioaren araubidea erabiliko da. Prozedura hori Dirulaguntzei buruzko azaroaren 9ko 11/2005 Foru Legearen aurreikuspenekin eta oinarri arautzaile hauetan ezarritakoarekin bat etorriko da.
Eskaerak eta aurkezteko epea
Eskaerak aurkez daitezke oinarri hauek Nafarroako Aldizkari Ofizialean argitaratu eta biharamunean.