Gazte elkarteak, gazte atalak eta gazteriari zerbitzuak eskaintzen dizkioten erakundeak.

Baldintzak:

• Gutxienez hiru kide izatea.
• Bazkideek 14 eta 30 urte bitartean izan behar dituzte.
• Elkartearen helburuak izan behar du gazteria sustatzea, prestatzea eta gizarteratzea, baita haien eskubideen babesaren alde egitea edo haien aisia bultzatzea, irabazteko asmorik gabe.

Izena eman:

Izena emateko eskabidea, behar bezala beteta, eta honako agiri hauek aurkeztu beharko dira:

• Elkarteko kargudunak aukeratu izanaren akta.
• Zuzendaritza Batzordeko kide guztien NANaren fotokopia (bakar-bakarrik horiek aktan sinatu ez badute kontsulta eta egiaztapenerako baimena).
• Elkarteen Erregistroan inskribatu izana adierazten duen ebazpenaren fotokopia (martxoaren 22ko 1/2002 Lege Organikoa indarrean jarri aurretik inskribatutako elkarteen kasuan, Elkarteen Erregistroaren egiaztagiria, Estatutuak egokitu dituztela eta Lege Organikoaren araberakoak direla adierazten duena).
• Elkarteen Erregistroaren zigilua duten indarreko estatutuen fotokopia.
• Estatutuetan jasota ez dauden beste antolamendu-arau batzuk.
• Elkartearen egoitza ez bada Elkartearen edo sortzaileren baten jabetzakoa, Lehendakariaren erantzukizuneko aitorpena, non jarriko baitu Elkarteak baduela zuzenbidean askietsitako titulua higiezin hori egoitza gisara erabiltzeko.
  Oharra: Deklarazio hau ez da baliozkoa izanen, baldin eta elkarteak egoitza sozialtzat jotzen badu erakunde edo entitate publiko edo pribatu batena; kasu horretan, agiri bat aurkeztu beharko dute, erakunde edo entitate hori bere egoitza adieraztearekin ados dagoela egiaztatzen duena.
• Elkartearen IFKren fotokopia (Foru Ogasunak emandakoa).
• Aurretik Nafarroako Gobernuaren dirulaguntzarik jaso ez bada, ordainketa transferentzia bidez egiteko eskabidea ("Tramitazioa" atala).

Zentsuan jasotako datuak eguneratzeko:

• Izena emateko eskabidea.
• Zuzendaritza Batzordea aldatzeko ziurtagiria.
• Elkartearen helbidea aldatzeko ziurtagiria. Elkartearen egoitza ez bada Elkartearen edo sortzaileren baten jabetzakoa, Lehendakariaren erantzukizuneko aitorpena, non jarriko baitu Elkarteak baduela zuzenbidean askietsitako titulua higiezin hori egoitza gisara erabiltzeko.

Eskabidea izapidetu ahal izateko, gazte erakunde eskatzaileak, Gaitutako Helbide Elektronikoa (DEH) edukitzeaz gain, Nafarroako Gobernuak jakinarazpen elektronikorako gaitutako prozeduretan izena emanda egonen dira.

Zer da Gaitutako Helbide Elektronikoa eta nola sortu.

• 73/2002 Foru Agindua, Gazteen Entitateen Errolda egiteko arauak gaurkotzen dituena.
• 11/2011 Foru Legea, Gazteriari buruzkoa.
• 1/1996 Lege Organikoa.
• 397/1988 Errege Dekretua.