Enpresak berregituratzeko prozesuen eraginpean dauden langileak, Langileen Estatutuaren 51. eta 52. c) artikuluetan aurreikusitako kausengatik enpresa utzi eta adin hau dutenak: gehienez ere, kasu bakoitzean aplikatzekoa den adina baino lau urte gutxiago. Hemen zehazten da kasu bakoitzean aplikatzekoa den adina: Gizarte Segurantzaren Lege Orokorraren testu bateginaren 161.1.a) artikuluan eta hogeigarren xedapen iragankorrean.

Laguntzaren hasierako zenbatekoa honako hau izanen da: kaleratu aurreko sei hilabeteei dagozkien lan-istripuen eta lanbide-gaixotasunen kotizazio-oinarrien batura, aparteko orduak kenduta, zati zazpi, eta emaitza horren % 75 ordainduko da laguntza gisa.

Gehieneko muga: Gizarte Segurantzako araubide orokorreko gehieneko pentsioa laguntzaren eraginkortasun-urtean, eta 4 urtez gehienez. Bigarren eta hurrengo urteetan, laguntza handituko da aurreko urteko kopuruari bi hauek gehituz: laguntza sortzen hasten den urteko Estatuko Aurrekontu Orokorren Legean ezarritako Gizarte Segurantzaren kotizaziopeko pentsioen errebalorizazio-indizearen batez bestekoa, eta aurreko hiru urteetako Estatuko Aurrekontu Orokorren Legeetan ezarritako errebalorizazio-indizeak.

Laguntza horien % 60 enpresa eskatzaileek finantzatzen dute, eta gainerako % 40a Nafarroako Gobernuak.

Datu pertsonalen babesari buruzko informazioa.

Kasu bakoitzerako araudian adierazitakoa.

3/2014 Errege Dekretua, laguntzak emateko arau bereziak ezartzen dituena.