Ikastaro hauen helburua parte-hartzaileek euskaraz irakasteko gai izatea eta EGA agiria (edo baliokidea) eskuratzea da.

• Haur Hezkuntzako, Lehen Hezkuntzako eta Bigarren Hezkuntzako irakasle funtzionario edo lan-kontratudun finkoek parte har dezakete, baldin eta behin betiko edo behin-behineko destinoa Nafarroako ikastetxe publikoren batean badute.
• Aldi baterako lan-kontratudunek ere parte har dezakete, baldin eta Nafarroako Gobernuko ikastetxe publikoetan azken hiru urteetan lanaldi osoko kontratua izan badute eta beren egoitza Nafarroan finkaturik badute. Gehienez ere 10 postu izanen dira, Nafarroako irakaskuntza publikoaren kalitatea hobetzeko 2007-2011 aldirako itunaren arabera.
• Azken horiei dagokienez, A modalitatean, birziklapeneko bigarren urtean jarraitzea aldi horretarako lan kontratu bat izatearen mende egonen da.
• Gisa berean, A modalitatean izan ezik, parte hartzen ahalko dute Nafarroako Foru Komunitateko irakaskuntza ez-unibertsitarioko ikastetxe pribatu itunduetako irakasle lan-kontratudun finkoek. Hala denean, ikastetxeak hezkuntza itunaren bidez jasotzen duen zenbatekoa soilik handitzen ahalko da ordezko irakaslearen lanadiak edo horien zatikia finantzatzeko (ikastetxearen titularrak aurkeztutako ordainketa delegaturako nominan hautatu diren irakasleei dagokiena).

Modalitateak.

• A modalitatea.

Helburua: euskaraz irakasteko gai izatea eta EGA agiria eskuratzea.
Iraupena: bi urte.
Parte-hartzaile kopurua: deialdi honetan 10 irakaslek har dezakete parte, gehienez.
Praktikaldia: irakasle parte-hartzaileek praktikaldi bat egin beharko dute programaren barnean, Euskararen Atalak eta Zubiarte Euskaltegiak zehaztuko dutena.
Betebeharrak: izangai guztiek egin eta gainditu beharko dute euskara helduei irakasteko curriculumaren A2 mailari dagokion sarrera proba.

• B modalitatea.

Helburua: euskaraz irakasteko gai izatea eta EGA agiria eskuratzea.
Iraupena: urtebete.
Parte-hartzaile kopurua: deialdi honetan 10 irakaslek har dezakete parte, gehienez.
Praktikaldia: irakasle parte-hartzaileek praktikaldi bat egin beharko dute programaren barnean, Euskararen Atalak eta Zubiarte Euskaltegiak zehaztuko dutena.
Betebeharrak: izangai guztiek egin eta gainditu beharko dute euskara helduei irakasteko curriculumaren B1 mailari dagokion sarrera proba.

• C modalitatea.

Helburua: euskaraz irakasteko gai izatea eta EGA agiria eskuratzea.
Iraupena: lauhileko bat.
Parte-hartzaile kopurua: deialdi honetan 10 irakaslek har dezakete parte, gehienez.
Betebeharrak: Izangaiek nahitaez sarrera proba bat egin eta gainditu beharko dute.

Modalitateetako baten batean postu hutsik balego, postu horiek gainerako modalitateetakoei gehitzen ahal zaizkie, birziklapeneko gastu osoa handitzen ez bada bederen.

Izena emateko epea NAOn argitaratu eta hurrengo egunetik hasieta 20 egun naturalekoa izanen da (2010eko urtarrilaren 30etik otsailaren 18ra, biak barne)