Amlodipino+atorvastatina asoziazioa arrisku kardiobaskularraren hiru faktore aldi berean dituzten paziente hipertentsiboengan gertakari kardiobaskularrak prebenitzeko erabiltzen da, kolesterol maila arruntak edo apur bat handiagoak dituzten pazienteen kasuan.
Estatinek kolesterol maila handiak ez dituzten lehen mailako prebentzioko pazienteen kasuan arrisku kardiobaskularra murrizteko duten eraginkortasuna ez da erabatekoa.
Aipatutako erabileran amlodipinoarekin tratatutako pazienteei atorvastatina gehituz gero, aurkako erreakzioen arriskua eta tratamenduaren kostua handitu egiten dira, osasunean onura argirik izan gabe. Hori dela eta, asoziazio hori ez dago justifikatuta.