Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Nafarroako Gobernuko eta Eusko Jaurlaritzako Hezkuntza Departamentuen arteko bilera ostirala, 2018.eko azaroak 16
Maria Solana Arana eta Cristina Uriarte Toledo kontseilarien arteko bilera, hezkuntzan gaurkotasuneko diren hainbat gai aztertzeko
Solana eta Uriarte kontseilariak Nafarroako eta Eusko Jaurlaritzako Hezkuntza departamentuetako gainontzeko autoritateekin.
(
irudia handitu
)
Gaur goizez, Nafarroako Gobernuko eta Eusko Jaurlaritzako Hezkuntza Departamentuen arteko lan bilera burutu da Iruñean. Maria Solana Arana kontseilaria eta Cristina Uriarte Toledo sailburua buru zirela, hezkuntzan gaukotasuna duten hainbat gai aztertu dituzte bi orduz. Sailburuekin batera, bileran parte hartzaile izan dira, Nafarroako Gobernutik, Roberto Perez Elortza Hezkuntzako zuzendari nagusia, eta Nekane Oroz Breton Unibertsitateen eta Hezkuntza Baliabideen zuzendari nagusia ere. Cristina Uriartek, berriz, lagun izan ditu Maite Alonso Arana Hezkuntza sailburuordea, Olatz Garamendi Landa Administrazio eta Zerbitzuen sailburuordea, Adolfo Morais Ezquerro Unibertsitate eta Ikerketa sailburuordea, Jorge Arevalo Turrillas Lanbide Heziketako sailburuordea eta Jose Ignacio Bañuelos Ibañez Kabinete zuzendaria.
Bilera hau, gobernu biek sektoreko bileren bidez dagoeneko ezarria duten harremanaren baitan kokatzen da. Gaurko bilera, gobernu batak zein besteak eskuartean dituzten gaiak elkarrekin partekatzeko baliatu nahi izan dute sailburuek, eta baita etorkizunean elkarlanerako izan daitezkeen aukerak aztertzeko ere.
Bi erkidegoetako Hezkuntza Departamentuetako autoritateak bileraren momentu batean.
(
irudia handitu
)
Gaur goizean aztertu diren gaien artean, honako hauek izan dira: enplegu publikorako eskaintzekin loturikoak, hezkuntza-ikuskaritzari buruzkoak, ikastetxeen ebaluazio prozesuak, zuzendaritzaren funtzioa, edo Sailaren kudeaketarako aplikazio informatikoak. Lanbide Heziketari dagokionez, ikaskuntzarako metodologia aktiboen gaiari heldu zaio, eta Lanbide Heziketa Dualaz zein enplegagarritasunaz ere aritu dira. Unibertsitatearen eta Ikerketaren esparruan, aldiz, honako gai hauekiko ikuspuntua partekatu da: unibertsitate sistemaren finantziazioa eta ebaluazioa, ikerketa, ezagutzaren transferentzia eta dibulgazioa, hezkidetza nahiz hizkuntza ereduak eta zertifikazioak.
Gaurko bileraren balorazio ona egin dute gobernu biek. Hezkuntza sailen artean harremana izateak, hezkuntza arloko ekimenak elkarlanean bultzatzeko aukera eskaintzen duela iritzi diote, bestearen esperientzia norberarentzat aberasgarri bihurtuz, eta jardunbide egokiak elkarrekin partekatuz. Horregatik, Nafarroako Gobernuko zein Eusko Jaurlaritzako Hezkuntza sailek bilerak sustatzen jarraituko dute hainbat mailatan, administrazio bien etengabeko hobekuntzarako tresna baliagarria delakoan hori.
Prentsa oharra:
Albiste hau osorik izan nahi baduzu PDF artxibo batean sakatu hemen
