(Edukira Joan)

Logotipo navarra.es

Castellano | Euskara | Français | English

Bilatzaile erabili!

Edukirako tresnak

Ezagutzera eman

  • Meneame
  • Delicious
  • Technorati
  • Google
  • Facebook
  • Yahoo

contacto de esta sección

Herritarrei arreta
Telefonoa: 948 012012
012*
Ordutegia:
Uztailaren 1etik abuztuaren 15era, astelehenetik ostiralera, 8ak eta 15ak artean.
Posta-elektronikoa:
navarra@navarra.es
* Deiaren balioa: 0,34 euro, iraupena edozein dela ere.

Hedabideei arreta
Telefonoa: 848 426700
Posta-elektronikoa: prensa@navarra.es
Carlos III Etorb. 2
31002 Iruña
Ordutegia
Uztailaren 17tik abuztuaren 31era, biak barne, astelehenetik ostiralera, 8:00ak eta 14:30ak artean (jai egunak izan ezik).

Ikusi egun honetako albiste gehiago

Gobernuak diasporari buruzko azterlan bat egingo du, atzerrira joandako nafarrekin harremanetan egoteko asteazkena, 2017.eko urriak 18


Gobernuak truke-sareak sortu nahi ditu Nafarroan trebatutako gazteek beste herrialde batzuetan duten esperientzia profesionalari probetxu ateratzeko


Transcripción textual del video

Gobernuak truke-sareak sortu nahi ditu Nafarroan trebatutako gazteek beste herrialde batzuetan duten esperientzia profesionalari probetxu ateratzeko.

Urtero atzerrira joandako nafar gazteak, adin-tartearen arabera. ( irudia handitu )

Nafarroako Gobernua azterlan bat egiten hasi da duela gutxi atzerrira joandako nafarrei buruz. Azterlan horren helburua da emigratzaileen profil berri hori osatzen duten nafarrak (gehienak gaikuntza handiko gazteak) identifikatzea eta haiekin harremanetan egotea. Gaur, Gobernuaren bileran, aurkeztu die proiektua Herritarrekiko eta Erakundeekiko Harremanetako kontseilari Ana Ollo Hualdek Gobernuko kideei.

Kontseilariak esan du, atzerrian bizi diren egoiliarren hautesle-erroldako (CERA) datuen arabera, 2008tik 390.000 espainiarrek baino gehiagok emigratu dutela lan-kontuengatik. Krisialdia hasi zenetik talde horretan portzentaje-hazkunde handiena izan duen bigarren autonomia-erkidegoa da Nafarroa. 2008tik, 2.200 gazte nafarrek baino gehiagok emigratu dute atzerrira.

Ana Ollok esan du egoera hori oso kezkagarria dela administrazio publikoentzat, eta gaineratu du «gizarte-galera nabaria dela Nafarroan trebatu diren gaikuntza handiko gazteek beste herrialde batzuetan garatzea beren ibilbide profesionala eta han bereganatzen dituzten ezagutzak eta esperientziak jaioterrietan ezin baliatzea».

Azterlan honen bidez, Gobernuaren helburua da nafar horiekin harremanetan egotea eta trukeak egitea, baita laguntza publiko eta pribatuko sare bat ezartzea ere, Nafarroatik joandako gazteen egonaldian sortutako know-how edo talentua erakartzeko eta kudeatzeko, eta, horrela, «joan-etorriko» onura sortzeko. Emigratutako gazteek jaioterriarekin konfiantza hartzea nahi da, harremanak ugaritzea, eta egoera apropos bat sortzea, proiektu propioetan lagun dezaten edo ideiak eman ditzaten hirugarrenek kudeatzen dituzten proiektuetarako. Ana Olloren hitzetan, hori guztia Nafarroaren garapenaren mesederako izango litzateke.

Bestalde, ekimen hori Nafarroaren espezializazio adimentsuaren estrategian sartzen da; hain zuzen ere, kanpo-talentua erakartzeko atalean. Gobernuaren ustez, baldintza egokiak sortuz gero, nafar gazteek egin ditzaketen ekarpenak oso lagungarriak izango lirateke erkidegoko sektore estrategikoak eta enpresak garatzeko; horrela, proiektu arrakastatsuak jarriko lirateke martxan, arrisku-maila in situ egiaztatuta izango luketenak.

Areago, Gobernuaren iritziz, benetako aukera dago pertsona horiek jaioterrira itzul daitezen, beren negozioak martxan jartzeko eta garapen bidean dauden sektore ekonomikoetan lanpostuak sortzeko, baita tokiko enpresen, sektore publikoaren edo sektore kooperatiboaren proiektu aurreratuetan lan egiteko ere. Horrela, azterlanaren datuei erreparatuta, estrategiak diseinatu ahal izango lirateke nafar horiei itzultzen laguntzeko, proiektu ekintzaileetan parte har dezaten edo Foru Erkidegoan aurkitu ezin diren profil profesionalak enpresetara erakartzeko; baita bestelako estrategiak ere, Nafarroako enpresek negozio- eta ekintzailetza-nitxoak aurki ditzaten emigratu duten nafarrak bizi diren herrialdeetan.

Urtearen amaierarako amaituko da azterlana. Bertan, orobat, beste administrazio publiko batzuek gauzatutako antzeko ekimenak alderatuko dira, partaidetza-prozesu bat egingo da informatzaile nagusiekin, eta elkarrizketak egingo zaizkie eragile ekonomiko eta sozialei, unibertsitateetako ordezkariei, zentro teknologikoei, garapen-agentziei, administrazioei, hedabideei eta beste erakunde batzuei.


Prentsa oharra:

Albiste hau osorik izan nahi baduzu PDF artxibo batean sakatu hemen

Dokumentazioa:
Audioa
Bideoa
Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa