Nafarroako Gobernuak 2017-2018 Toki Inbertsioen Plana (TIP) abian jarri du, hiru urtetan 100 milioi euroko inbertsioa ekarriko duena, etxeko ur-horniduraren sarea, saneamendua, argiteria publikoa, udal eraikinak, kaleetako zoladura hobetzeko eta bideak konpontzeko.

Planari esker, udalak inbertsio premiazkoenei aurre egingo die, 2017an 20 milioi ekarriko dituztenak, 40 2018an eta beste 40 milioi 2019an.

Plana gaur goizean aurkeztu du prentsaurrekoan Landa Garapeneko, Toki Administrazioko eta Ingurumeneko kontseilari Isabel Elizaldek, Toki Administrazioko zuzendari nagusi Xabi Lasarekin batera. Elizaldek nabarmendu du TIP "toki garapena egiteko eta iraunkortasunerako tresna bat" dela, "Nafarroako herritar eta herri guztiek kalitatezko zerbitzuak eta azpiegiturak izan ditzaten".

Plana hiru jarduera-ildotan banatzen da: batzuk, Nafarroako Gobernuak proposatutakoak (inbertsioak), beste batzuk, toki erakundeek eskatutakoak, ezarritako ildoen arabera (toki programazioa). Beste batzuk udalek eta kontzejuek erabakitzen dituzte, beraien beharren arabera (erabaki askea).

Plan honek, Gobernuaren 100 milioi euroko inbertsioarekin, 160 milioi inguru mugitzeko aukera emango du. Foru gobernuak % 50 eta % 80 artean emango du obra bakoitzerako.

Kontseilariak adierazitakoaren arabera, banaketa "bazterkeria positiboko irizpideekin" egin da, tamaina txikiagoko eta sakabanatze geografiko handiagoko toki erakundeek proposatutako inbertsioak ere kontuan hartzeko. Hauxe esan du Elizaldek: "Nafarroako lurralde-orekarako tresna bat da".

Horrez gain, Elizaldek gogoratu du TIP hau "sozialki konprometitua" dela, lanen esleipenean gizarte-klausula bat sartzen duelako. Horien truke, sortzen diren enpleguen heren bat, errenta bermatua jasotzen duten pertsonentzat izango dira. Halaber, azpiegiturak mendekotasuna, desgaitasuna eta mugikortasun-arazoak dituzten pertsonen beharretara egokitzen lagunduko du.

Azkenik, kontseilariak nabarmendu du TIP honek toki mailan ekonomiaren suspertze handia ekarriko duela, lurralde guztian lanak gauzatzea ekartzen dituzten jarduerak direlako.

Erabaki askeko programei eta toki programazioari dagozkion programen inbertsioak IDENAko webean (Nafarroako Datu Espazialen Azpiegiturak), Nafarroako informazio geografikoa ikusteko ataria dena.

IDENAren web-orrian finantzatuko diren inbertsioak kontsulta daitezke, baita erreserban daudenak eta legean ezarritako baldintzetara ez egokitzeagatik onartu ez direnak. Aurkeztutako proiektuak argitaratu dira (finantza daitezkeenak, erreserban daudenak eta baztertutakoak) toki erakunde eskatzailearen lurraldea mugatuz: udalak, kontzejuak edo mankomunitateak, abenduaren 13ko 18/2016 Foru Legearen arabera.

Webaren barruan, "mapak" atalean tresnen laukian "dauden geruzak" fitxara sartu eta "2017-2019 Toki Inbertsioen Plana" aukera daiteke. Orain, ikusi nahi diren inbertsioak kargatu behar dira.

Zuzeneko kontsultak egiteko

ü Ikusi erabaki askeko ekarpenen mapa

ü Ikusi 7 modalitateetan finantza daitezkeen proiektuen mapa

ü Deskargatu IDENAtik (Toki Administrazio atala) sektoreko mankomunitateen eta enpresen erabilera profesionalerako.