Bestalde, Sozietate Zergan, erakunde onuradunei dohaintzak egiten dizkieten subjektu pasiboek ondorengo onura fiskalak izango dituzte: zerga-oinarria zehazteko, dohaintzan emandako zenbatekoek partida kengarriaren irizpena jasoko dute; eta, gainera, zergaren kuota likidotik % 30 kentzeko eskubidea izango dute lehenengo 300 eurotan. 300 euro baino gehiagoko zenbatekoek kuota likidotik % 20 kentzeko eskubidea izango dute.

Onura fiskal horiek lehengo "Sozialki Konprometituta" zigilurako jarritakoekin alderatzen badira, dohaintza txikietarako pizgarri gehiago ikusten dira, mikromezenasgoa izenekoa. Hala, lehengo zigiluaren kasuan, PFEZko kenkariak % 40koak ziren beti; orain, berriz, % 80rainokoak izan daitezke lehen 150 eurotan. Sozietate-zergari dagokionez, kenkaria % 30eraino handitzen da lehen 300 eurotan (lehen % 20koa zen beti).

Mezenasgo Sozialeko pizgarriak erakunde onuradunei egindako dohaintzei aplikatuko zaizkie, ez proiektu zehatzei, eta dagokien aitorpena lortu dutenak Eskubide Sozialetako Departamentuaren edo Nafarroako Berdintasunerako Institutuaren aldetik.

Erakundeek bete beharreko baldintzak irabazi-asmorik ez izatea da eta honako era honetan eratuta izatea: interes publikoko fundazioak, elkarteak, dagokien Ministerioko erregistroan inskribatutako GKE edo ekimen sozialeko kooperatibak, bai eta aurreko erakundeen federazioak eta elkarteak ere.

Haien helburuak sozialak izango dira, eta beren lana egin behar dute gizarte zerbitzuetan, garapenerako lankidetzan edo gizon eta emakumeen arteko berdintasunean. Gainera, azken lau urteotan Nafarroan jarduerak eginda izango dira, errenten eta jasotako diru-sarreren % 70 gutxienez interes orokorreko helburuetara bideratuta izatea eta Gardentasunaren eta Gobernu Irekiaren Foru Legearen betebeharrak beteta izatea.

Bestalde, administrazioko izapideak sinplifikatu egiten dira, eta ez da beharrezkoa izango erakundeek, aipatutako aitorpena eskuratzeko eskaerarekin batera, baldintzak batzen dituztela egiaztatzeko dokumentazioa aurkeztea informazio hori administrazio publikoren baten erregistro batean inskribatzearen ondorioz deduzitzen bada, hau da, Nafarroan diru-laguntza publikoak jaso direla edo Administrazioren bati jadanik dokumentazioa aurkeztu zaiola.

Ezarritako araubidera iristean, erakundeek Eskubide Sozialetako Departamentuari, hurrengo ekitaldiko lehen zortzi hilabeteetan, araubide hori mantentzea eskatu beharko diote baldintzak betetzen dituztela dioen adierazpen arduratsu batean. Departamentuak eskaerak 3 hilabeteko gehieneko epean ebatziko ditu.

Azkenik, xedapen iragankor bat eransten da aurrez "Sozialki Konprometitua" zigilua lortu zuten proiektuetarako, Mezenasgo Sozialerako ezarritako onura fiskal berak eskuratu ahal ditzaten.

Aipatu den moduan, Nafarroako Gizarte Ongizatearen Kontseiluaren barnean lantalde misto bat eratu zen Administrazioko erakundeetako eta gizarte-erakundeetako ordezkarien artean Mezenasgo Soziala arautuko zuen araudi bat aztertzeko.

Gobernuaren aldetik, honako erakunde hauetako langileek parte hartu dute: Inklusio eta Gizarte Babeserako Zuzendaritza Nagusia, Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusia, Pertsonen Autonomiarako eta Garapenerako Nafarroako Agentzia, Nafarroako Zerga Ogasuna eta Nafarroako Berdintasunerako Institutua.

Honako erakunde sozial hauen ordezkariak izan dira: Cermin, Pobreziaren aurka Borrokatzeko Nafarroako Sarea, Nafarroako GGKEren Koordinakundea eta REAS.

Gainera, lantaldeari laguntzen Eskubide Sozialetako Departamentuko Idazkaritza Nagusi Teknikoko abokatu bat izan da.