Nafarroako Gobernuak autokarabanak hartzeko eta kanpatzeko eremuak estreinakoz arautzen dituen Foru Dekretu bat onartu du gaurko bilkuran. Autokarabana horiek hiriguneetatik hurbil kokatuko dira bereziki bisita laburrak errazteko, 48 ordu baino gehiagoz ezingo baitira aparkatu.

Testuan jasotzen denez, arautze hori zehatza da autokarabanismoa edo turismo mugikorra asko hazten ari delako, eta ez dagoelako hura erregulatzeko inolako berariazko araurik.

Kanpinaren ostatu osagarri moduan hartutako eremu horiek gutxieneko instalazio eta zerbitzu batzuk eskatuko dituzte honako arrazoi hauengatik: segurtasuna, bidaiarien kontrola, mugikortasuna, higiene eta osasuneko alderdiak eta ingurumenekoak. Gaur egun, Nafarroan ez dago era horretako inolako eskaintzarik.

Arlo horretatik at geratzen dira, autokarabanak eta antzeko ibilgailuak gelditzea eta aparkatzea errepide, autobide, hiribide eta aparkalekuetan horretarako prestatutako eremuetan. Kanpatuta ez dagoela joko da, hiriko edo hiriarteko bide publikoetan baimendutako guneetan geratuta edo aparkatutako autokarabana edo antzeko ibilgailua, haren elementuak eraldatuz edo zabalduz bere ingurunea gainditzen edo zabaltzen ez duena, bere gurpilen gainean mantentzen dena altxagarriak erabili gabe edo bidera substantzia edo hondakinik isurtzen ez duena. Gainera, araudi horretatik kanpo geratuko dira ere, ferietako salerosle edo merkatariek tokiko jai edo ekitaldiak direla-eta beren ibilgailuekin egindako kanpaldiak eta bere jarduera egikaritzearekin harreman zuena dutenak.

Eremuen azalera 28 metro koadroko partzeletan banatuko da, eta zenbakiekin identifikatuko. Partzelen zorua laua eta asfaltatuta egongo da edo dagokion drainatzearekin trinkotuta, eta partzela librea 3,5 metro garaiera artekoa izango da. Gainerako azalera bideetarako erabiliko da, aparkatzeko eta irteteko maniobrak egiteko beharrezkoak diren espazioekin.