Iragan irailean, Nafarroako Gobernuak hornitzaileei fakturak 24 egunetan ordaindu zizkien batez beste, eta foruko sektore publiko guztiak 26 egunetan, batez beste. Hala ondorioztatzen da hornitzaileei Ordaintzeko Batez Besteko Aldiaren txostenetik. Foru Gobernuak gaurko bilkuran izan du txosten horren berri , eta hemendik aurrera hilean behin argitaratuko da.

Nafarroaren kasuan, jakinarazpen hori egiteko betebeharra dute defizit publikoaren zenbaketan sartuta dauden Foruko Sektore Publikoko erakundeak: Nafarroako Gobernua, erakunde parlamentarioak, sozietateak eta fundazio publikoak eta Nafarroako Unibertsitate Publikoa.

Irailekoa datuen arabera, informazio horren xede diren erakundeek 37,21 milioi euro eman zizkieten hornitzaileei 26,31 eguneko batez besteko epean, hots, Estatuko araudiak ezarritako 30 eguneko epearen barnean.

Nafarroako Gobernuan, ordaindutako eragiketen ratioa legeak ezarritako epea baino sei egun lehenago egiten da, eta foruko sektore publikoak 4 egun lehenago. Hala, irailean, 31,06 milioi euroko balioa duten fakturak ordaindu dira 24,18 eguneko batez besteko aldian. Erakundeen arabera, bolumen ekonomiko handienekoa Osasunbidearena izan da; fakturen % 50 inguru kudeatzen ditu, 11,87 milioi eurorekin irailean eta ordaintzeko batez beste 18,6 egun pasa dira. Bigarren postuan, Administrazio Orokorra dago (Zerga Ogasuna barne eta gainera erakunde autonomorik gabe), 9.82 milioi euro ordaintzeko bolumenarekin eta ordaintzeko 31,6 egun pasa dira batez beste. Atzetik dator Nafarroako Mendekotasunerako Agentzia; irailean 8,1 milioi euro ordaindu zien hornitzaileei 22,15 eguneko batez besteko epean.

2012ko irailean, Nafarroako Gobernuak tresna bat martxan jarri zuen hornitzaileen fakturak erregistratzeko; haren helburua zen, alde batetik, fakturen barne-kudeaketa hobetzea, eta bestetik, sistemaren gardentasuna areagotzea.

Berrikuntza nagusia da, hornitzaileek faktura sistema erregistratzen zutela eta, hala, haiek beraiek ekiten ziotela kobratzeko epeari. Horrenbestez, ordainketa izapidetzeko prozeduraren hasiera faktura aurkezten zen unean bertan bermatzen zen, eta, era horretan, administrazio edo burokraziako arrazoiengatik beharrezkoak ez diren atzerapenik ez zen izango.

Erregistro Kontagarri Elektronikoa abian jarri zenetik, Nafarroako Gobernuak 306.515 faktura izapidetu ditu guztira sistema horrekin; haietatik, 24.391 2012ko azken bi hilabeteetan, 143.275 2013an izapidetu ziren eta orain arte, 138.849 faktura izapidetu dira sistema honekin 2014an zehar.