Nafarroako Gobernuak 201.291,01 eurorekin finantzatu ditu Lakuntzako Herriko plazako birmoldaketa-obrak. Haien barnean sartu dira, euri-uren saneamendu-sarea berritzea nahiz estolda-zuloak eraikitzea, herriko argien sarea kanalizatzea eta inguruaren zolaketa egitea.

Obrak 2009-2012 eperako Toki Inbertsioen Planaren barnean zeuden, eta 287.558,59 euroko aurrekontua izan dute. Lanek 7 hilabetez iraun dute eta Obras y Servicios TEX SL enpresak egin ditu.

Zolaketari dagokionez, aurrefabrikatutako hormigoizko lauzak erabili dira hormigoi-oinarriaren gainean zementuzko morteroarekin asentatuta. Aldiz, euri-uren saneamendu-sarean PVCko hodiak daude 44 ml, 86 ml eta 70 ml-ko diametrokoak. Gainera, sifoizkoak ez diren 10 estolda-zulo eraiki dira 750 x 300 x 500 mm-ko aurrefabrikatutako hormigoizko kutxatilarekin.

Lanak herriko argien sarea kanalizatuz osatu dira, horretarako 110 mm-ko diametroko PVC malguko hodi bikoitza erabiliz hormigoizko idulkiarekin (178 ml).