Lehendakariak azpimarratu du Administrazio zentralarekin itun ekonomikoaren eguneratzea negoziatzeko "premia" dagoela zergen gaineko foru-araubidea ziurtatzeko eta, horretarako, Ganberaren laguntza eskatu du. "Nafarroaren lekua sendotu behar dugu, Parlamentuaren gehiengoren akordioarekin", esan du.

Haren iritziz, negoziazioa "leialtasun eta irmotasunez" egin behar da, baina Estatuko erakundeekin hitzarmenak eta akordioak eginez. Alde horretatik, arbuiatu egin du eztabaida hau erabiltzea"Foru Hobekuntza, Konstituzioa suntsitzeko eta Espainiarekin egin nahi den haustura justifikatzeko"; aldiz, Foru Komunitateak "errealitate instituzional fidagarri, serio eta bere betebeharrak nahiz antolamendu juridikoa betetzen dituen" famari eusteko duen beharra aldarrikatu du.

Azaldu duenez, udan zehar jadanik bi administrazioetako Ogasuneko teknikariak bildu dira, eta laster itunaren idazketa berri bat onartu ahal izateko konfiantza osoa erakutsi du.

Lehendakariak foru-araubidea ez dela solidarioa dioten ahotsei buruz ere hitz egin du, gehiago direnak orain krisi ekonomikoa dela-eta. Gogoratu du, araubide hori "ez dela pribilejio bat, Nafarroak denboran zehar gorde duen eskubide bat baizik, hain zuzen Espainiako gainerako lekuekin izandako erantzukizun eta elkartasunean oinarrituta izan baita beti". Hori dela-eta, Foru Komunitateak Estatuko erakundeei dien "errespetu bera" eskatu du Nafarroarako.