Honako hauek dira beste xede batzuk: nekazaritza, abeltzaintza eta elikagaien ustiapen edo enpresa bideragarriak eta iraunkorrak sortu eta sustatzea; lehen sektoreko ustiapenek jarrai dezaten laguntzea landaguneko garapen ekonomikoaren oinarrizko tresna moduan; bizirik izaten jarraitzea utziko duen balio erantsi osagarria lortzea; enplegua sortu nahiz egonkortzea eta nekazari berriak sartzea; eta merkaturatzeko zuzeneko zirkuitu laburrak bultzatzea; haiei esker, ekoizle eta eroslearen zuzeneko aprobetxamendua egin ahalko da garraio, bitartekotza eta merkaturatzeko prozesutik sortutako gastuak murriztu izanagatik.

"Bereizitako" produktu-gama bat garatu nahi da ere kalitateari eta osasunari dagokionez; horrenbestez, gizartean baloratuta dagoen eta hazten ari den merkatu bati erantzungo zitzaion.

Zuzeneko salmentaren 8/2010 Foru Legearen garapeneko Foru Dekretuko zirriborroan xedatutakoa Nafarroako Nekazaritza eta Abeltzaintzako Ustiapen Erregistroan (REAN) izena emandako nekazari nahiz abeltzainei aplikatuko zaie, beraien ustiapeneko nekazaritza-produktuak zuzeneko salmenta-sistema bidez merkaturatzen dituztenei; produktu horiek ekoizpen primariokoak (freskoan) edo elaborazio eta transformazioko prozesuetatik sortutakoak izan daitezke beren ustiapenetan soilik lortutako lehengai nagusietatik abiatuz.

Gainera, aplikatuko zaie nekazaritza-produktuak eta elikagaiak zuzeneko salmentaren bidez merkaturatutako nekazaritza-ustiapenei lotutako nekazaritza-elikagaien artisautzako enpresei, eta beren lehengaia REANen izena emandako beren ustiapen propiotik datorrena.

Zehazki, landutako produktuei lotutako aplikazio-esparruak honako hauei eragingo die: fruta eta barazkien zuku, marmelada eta kontserbei; sagardo, ardo, likore eta pattarrei; haragi-produktuei; esnekiei; eztia eta eratorritako produktuak erabili eta egiteari; infusiorako landare-espezieei elikaduran erabiltzeko eta eragile aromatiko moduan erabiltzeko; oliba-olio birjina estrari; eta hautatutako, sailkatutako edota paketatutako arrautza freskoei.

Zuzeneko salmentako araubidean lan egin nahi dutenek Elikadurako Enpresa eta Establezimenduen Osasun Erregistroan eta Nafarroako Nekazaritza Ustiapenen Erregistroan esandakoa bete beharko dute; horrekin batera, osasun publikoaren, animalien osasunaren esparruan eta nekazaritza-industria, industria, ingurumen eta hirigintzako jardueraren esparruan indarrean dagoen legeriak eskatutako beste baimen batzuk ere izan beharko dituzte. Gainera, fakturazio-betebeharrak erregulatuko dituen araudi aplikagarria bete beharko dute.

Azkenik, zuzeneko salmentako araubidean lan egiten duten ustiapenek jarduera-adierazpen bat egin beharko dute eta bertan honako hauek jasoko dira, besteak beste: katalogatutako produktuen zerrenda eta bere ustiapenean zuzeneko salmentaren xede diren ekoizpen primariokoak; zuzeneko salmentan merkaturatuko diren produktuak garraiatzeko ibilgailuak edo sistema; prestatzeko edota antolatzeko instalazioen kokapena produktuak kontsumitzaileei saldu edo entregatzeko; eta zuzeneko salmentan eskainitako produktuak garbitu, sailkatu, erakutsi eta saltzeko ekipamendu nahiz instalazioak.

Foru Dekretuko proiektuaren barnean, Nafarroako zuzeneko salmentako nekazaritza-elikagaien operadore-errolda sortzea sartzen da. Zuzeneko salmenta egin nahi duten eragile guztiak azaldu beharko dira bertan. Informazioa publikoa izango da eta Nafarroako Gobernuko webgunean eguneratuko da kontsumitzaile eta ekoizleei produktuen zuzeneko merkaturatzea errazteko.