Astelehen honetan, urtarrilak 21, matrikula-epea zabalduko da helduentzako euskara ikasteko ikastaroetarako. 2012-2013 ikasturteko bigarren lauhilekoari dagokio eta Nafarroako Gobernuko Hezkuntza Departamentuaren mende dagoen Zubiarte (Huarte) euskaltegi publikoak ematen ditu.

Epea ostiralean, urtarrilak 25, amaituko da eta ikastaroak aurtengo otsailaren 6tik ekainaren 11a bitarte emango dira. Eskaintza maila guztietara zabalduko da: A1, A2, B1, B2 eta C1, zenbait modalitatetan: ikastaro presentzialak, erdi presentzialak, autoikasketakoa, urrutikoa tutoretza presentzialekin, EGA titulua lortzeko prestakuntzako erdi presentzialak, elkarrizketako berariazko ikastaroak, bai eta txandaka lan egiten duten pertsonentzat eta ikastetxeetako ikasleen gurasoentzat ere.

Eskaintza osoa eta matrikula egiteko jarraibideak Zubiarte euskaltegiko webgunean edo 948 36 10 91 telefono-zenbakira deituta kontsulta daitezke.

Astean online bidezko banakako lau orduko lana izango da gutxienez informatika-programa bat erabiliz, ariketa osagarriekin, eta ikastaroko tutorearekin taldekako elkarrizketako bi orduko saio

Matrikula doan da lanean dauden irakasleentzat eta Zubiarte euskaltegian bertan egin behar da, irakasle-izaera adieraziz.