Larunbatean, abenduak 1, Gazte Jaialdia egingo da eta igandean, hilak 2, 12:00etan, Tuterako Gaztambide antzokian "Musika Nafarroaren historiaren lau une nagusitan" izenburua duen emanaldia eskainiko du Nafarroako Ganbera Abesbatzak.

Nafarroako Egunaren programa zenbait ekintza instituzionalek osatuko dute: Gazteriaren Sariak (azaroak 28) eta Kirol Merezimenduaren Zilarrezko Dominak (azaroak 30).

Nafarroako Egunaren ospakizunen barnean, Tutera Hiriaren V. Jota Lehiaketako Nafarroako Foru Komunitatearen Saria ematea ere aurreikusita dago (azaroak 25), bai eta trafikoko haurrentzako parke bat jartzea ere Los Arcosen azaroaren 28an, 15:00etatik aurrera. Gainera, Nafarroaren Eguna Madrilen ere ospatuko da; hala, azaroaren 10ean, Español antzokian, 20:00etan, Ganbera Abesbabtzak lehen aipatutako kontzertua errepikatuko du.

Abenduaren 3ko, astelehena, ekintzen programa 09:45ean hasiko da Xabierko Santutegian. Xabierko San Frantziskoren ohorez egindako elizkizunean parte hartuko dute agintariek. 12:00etan, Kulturako, Turismoko eta Erakunde Harremanetako Departamentuaren klaustro isabeldarrean, Lehendakariak Foru Komunitateko agintariei harrera egingo die eta Nafafarroako Urrezko Domina emango dio NUPari.

12:30ean, Burlatako kultur etxean Nazioen Jaialdia ospatuko da, eta Nafarroan dauden beste herrialde batzuetako herritarren elkarteetako zazpi talde artistikoen emanaldiak ikusi ahalko dira. 13:00ean, aldi berean kontzertuak eskainiko dira 72 udalerritan, abesbatzen eta musika-banden eskutik, eta programen aurretik Nafarroako Ereserkia interpretatuko dute.

Doako bisita gidatuak Nafarroako jauregira 　

Beste batzuetan bezala, Nafarroako Eguneko ospakizunak azaroaren 24an hasiko dira, "Nafarroako jauregiak ateak zabaltzen ditu" doako bisita gisatuen beste edizio batekin, eta abenduaren 2ra arte luzatuko da. 2.000 plaza eskaintzen dira hilaren 24tik abenduaren 2ra. Larunbat, igande eta jaiegunetan ibilbideak goiz eta arratsaldez egingo dira, 11:00etatik 12:30era eta 17:00etatik 18:00etar, eta lanegunetan, arratsaldez, 17:00etatik 18:30era.

Interesa dutenek hitzordua erreserbatu beharko dute gaur ostiraletik, hilak 9, 012-Infolocal telefonoaren bidez (deia 0,34 euro) edo 　948 217012 telefonoan. Bi zenbakietara deitzeko ordutegia astelehenetik ostiralera 08:00etatik 19:00ak arte da eta larunbatetan 09:30etik 13:30era.

Tuterako ekintzak　

Ospakizunek programa bat aukeratuta dute Tuterako Gaztambide antzokian. Hala, abenduaren 2an, igandea, 12:00etan, "Musika Nafarroaren historiaren lau une nagusitan (1212, 1512, 1812, 2012)" kontzertua egingo da. Nafarroako Ganbera Abesbatzaren programa horrek Foru Komunitatearen historiako data erabakigarriei lotutako errepertorioa du, eta une batean edo bestean Nafarroako Ganbera Abesbatzako talde guztiek interpretatzen dute: "Michael Navarrus kapera errenazentista", Formazio Klasikoa eta Jazzy Leap (ahozko jazz-aren atala).

Ikuskizuna lau zatitan antolatzen da: I. zatian (Tolosako Nabak, 1212), programak Teobaldo I.aren Gurutzadako Abestiak (1201-1253) jasotzen ditu, Antso Indartsuaren iloba, Tolosako Nabetan nabarmendu zen Nafarroako erregea. Kontserbatutako gurutzaden hiru abestiak eskaintzen dira eta beren maitasun-obren eta erlijio-obren lagin batzuk.　

II. zatiak (Nafarroako konkista gaztelarra 1512) Aragoiko eta Gaztelako Erreinuaren obrak jasotzen ditu 　 eta baita Nafarroako lehen konpositore ezagunarenak ere, Burgosen eta Frantzian kaperako maisua izan zena soldadu gaztelarrek erreinu zaharra konkistatu zuten unean, 1512an.

Hirugarren atal batek 1812ko Kadizko Gorteen ospakizuna, elizan nahiz kalean, inguratu zuen musika-giro frantses eta espainiarra gogora ekarriko du.

Amaitzeko, konpositore nafar ezaguna den Yolanda Campos Bergua-ren "Zauriak-Heridas" obraren estreinaldia interpretatuko da. Ganbera Abesbatzaren "Jazzy Leap"-ek, gainera, abesbatzaren jazz-ataleko zuzendari Andoni Arcilla-ren konponketa batzuk interpretatuko ditu.

Sarrerak 5 euro balioko du eta azaroaren 16tik aurrera salgai izango dira Castel Ruiz-ko bulegoetan, 09:30etik 13:30era, astelehenetik ostiralera, 948 825868 telefonoan eta www.castelruiz.es webgunean.