Berrantolaketaren ondorioz, bost atal desagertzen dira (zerbitzua baino maila txikiagoko unitatea) honako arrazoi hauengatik: funtzioak beste unitate batzuetan banatzen direlako (Hobekuntza Planen eta Berrikuntza Programen atala); atal berri baten barnean sartzen direlako, beste atal batzuetako eskumenekin (Azterketa eta Proiektuen atala IKTei gehitzen zaizkie); atalak antzeko eskumenak dituzten esparruekin bat-egiten dutelako (bi atal Unibertsitateekin lotuta eta beste bi Aniztasunari ematen zaion Arretarekin); edo maila gutxiagoko unitateak negoziatuetara murriztuko direlako, Nafarroako Kualifikazioen Institutuaren kasua, esaterako.

Horrenbestez, bi zuzendaritza nagusien atal-kopurua 38tik 33ra jaitsiko da. Gainera, berrantolaketa horren eremuan, guztira bost negoziatu sortuko dira (aipatutakoaz gain, Lanbide Heziketako bat, Prestakuntzari buruzko hiru eta Idazkaritza Nagusi Teknikoko Informazio Sistemak Modernizatzeko Laguntzarako beste bat).

Hezkuntza Baliabideen Zuzendaritza Nagusiak hiru zerbitzu zituen orain arte (Giza Baliabideak, Ekonomikoak, Hezkuntza Azpiegiturak). Gaur onartutako foru-dekretuarekin, Partaidetza, Irakasleentzako Arreta eta IKTen laugarren zerbitzu bat jasotzen da, eta lehen Hezkuntza, Lanbide Heziketa eta Unibertsitateen Zuzendaritza Nagusiari atxikitako funtzioak jasotzen ditu. Bost zerbitzu izango ditu, egun baino bat gutxiago: Aukeren Antolaketa eta Berdintasuna; Hizkuntza eta Irakaskuntza Artistikoak; Unibertsitateak, Kalitatea eta Prestakuntza; Lanbide Heziketa eta Hezkuntza Ikuskaritza. Aipatu behar da 2011ko uztailean Departamentuko hiru zuzendaritza nagusitik bira murriztu zirela.

Hezkuntza Departamentuko egituraren berrikuste hori legealdi honen hasieran Nafarroako Foru Administrazioa arintzeko proiektuaren barnean dago.

2011ko foru-hauteskundeen ondoren, Foru Gobernu berriak uztailaren 18an goi-karguen eta konfiantzazko postuen % 23,7 kentzea erabaki zuen oinarrizko egituraren onespena zela eta (organigramak, zuzendaritza nagusiaren mailarekin), 900.000 bat euro aurreztuz. Hilabete bat geroago gutxi gorabehera, abuztuaren 24an egitura organikoa onartu zuenean (zuzendaritza nagusien zerbitzuak eta atalak garatzen ditu), buruzagitzen % 8,24 kentzeko erabakia hartu zuen, langileen gastua urtean 2 milioi euro baino gehiago murriztuz, guztira.

Era berean eta UPN-PSN ituna hautsi ondoren Nafarroako Gobernuaren birmoldaketa zela eta, iragan uztailaren 2an oinarrizko egitura berrikusi zen eta Foru Administrazioaren zuzendaritza nagusi bat eta hiru erakunde kentzea erabaki zen. Halaber, uztailaren 18an, Gobernuak Osasun Departamentuko egituraren % 5,75 kentzea erabaki zuen, 12 administrazio-unitate kenduz eta urtean 308.500 euro aurreztuz; eta uztailaren 25ean, egitura organikoa garatuz, Ekonomia, Lehendakaritza eta Gizarte Politiken departamentuetako berregituratzean zerbitzu-mailako lau administrazio-unitate kentzea.