Zehazki, Gobernuak gehienez ere 13 milioi euro jarriko du 2012 eta 2015 artean Irurtzungo Kontserbazio Zentroaren eraginpean dauden errepide nahiz autobideen kontserbazio integralerako. Zehazki, 7,05 milioi gastatuko da Leitzaran, Barranka eta Iparraldeko (A-15, A-10 eta A-1, hurrenez hurren) autobideetan. Eta 5,95 milioi euro, gehienez ere, errepideetan.

Kontratuek errepideetako bide-zaintzaren eta gertakarien arreta jasoko dute; errepide-bazterretatik zaborra kentzeko eta inausteko lanak; galtzada, arekak edo drainatze-sistemak garbitzeko lanak; galtzadako konponketa zehatzak (bidezuloak, asentuak…); zoru-zatiak sendotzea; era guztietako konponketak (arekak, fabrikako lanak, hormak, egiturak…), eta ezpondak egonkortzeko lanak (harri-lubetak edo sareak jartzea harriak eror ez daitezen), besteak beste.

Halaber, errepideen kontserbazio integraleko arloan, Nafarroako Gobernuak Iruñean dagoen Errepideen Kontrol Zentroaren ustiapena eta mantentze-lana lizitatuko du, errepideen sarearen –eta haren menpe dauden sistema eta instalazioena (tunelak, argiztapena eta semaforoak) – zaintza eta kontroleko lanak zentralizatzen dituena. Lehiaketan jarriko da 7,5 milioi euroan. Zentroak tunelek dituzten kilometroen % 30 gehiago ikuskatu beharko du, Ledea-ko eta Esa-koak ireki ondoren, Pirinioetako autobidean (A-21), orain 20,3 kilometro baitira, lehen 15,2 zirenean.

Horren osagarri modura, Gobernuak gaurko bilkuran Nasertic enpresa publikoari 132.000 euro emateko agindua onartu du zentro horren telekomunikazio-sistemaren mantentze-lanetarako.