Nafarroako Lehendakari Yolanda Barcina, Foru Gobernuko beste kide batzuekin batera, Nafarroako Unibertsitate Publikoaren (NUP) sorreraren 25. urteurrena ospatzeko ekitaldian izan da gaur eguerdian. Ekitaldian, Unibertsitatearen Egunean egindakoa, hainbat esparrutatik zentroa abian jartzen lagundu eta parte hartu zuten pertsonak omendu dira.

Ekitaldia 12:00etan hasi da NUPeko Fernando Remacha Aretoan, eta Julio Lafuente unibertsitateko errektorea izan da buru. Harekin batera izan dira, Foru Komunitateko agintari nagusiak, haien artean, Nafarroako Parlamentuko lehendakari Alberto Catalán; Nafarroako Gobernuko ordezkari Carmen Alba; Nafarroako Justizia Auzitegi Nagusiko lehendakari Juan Manuel Fernández, bai eta parlamentari, alkate eta ikasketa-ordezkariak ere.

Ekitaldian zehar, 1987ko Nafarroako parlamentuko Hezkuntza Batzordeko kideei omenaldia eskaini zaie; urte hartan NUPa Sortzeko Legea onetsi zen; omenaldi ere jaso dute, hasierako prozesuan lan egin zuten Nafarroako Gobernuko pertsonei eta baita orduan Foru Komunitatean zeuden unibertsitateko irakaskuntza-zentroetako zuzendariei ere.

1987an Hezkuntza Batzordea osatzen zuten parlamentariak ziren: Pedro Pegenaute (lehendakaria), Ramiro Martínez (lehendakariordea), Iñaki Cabasés (idazkaria), Emilio Boulandier, Javier del Castillo, Carlos Cristóbal, Camino Oslé, Albito Viguria y Rafael San Martín. Bertako partaide ziren ere: José Javier Gortari, José Ramón Zabala y José Ángel Zubiaur, guztiak jada hilik.

Unibertsitatea abian jartzen lan egin zuen Nafarroako Gobernuaren taldearen buru 1987an Hezkuntza eta Kulturako kontseilari izan zen Ramón Felones izan da. Talde hori ondorengoek osatzen duten: Carlos Arrieta, Jesús Javier Ascunce, Luis Cruchaga, María Cruz Guembe, Guillermo Herrero, Miguel Ángel Iriso, Pedro Manterola, Javier Navallas, Pedro Pascual, José Luis Ramírez eta José María Romera.