Miguel Sanz Nafarroako Lehendakariak José Lázaro Galdiano Edizio Saria TF Editores argitaletxeari eman dio, "Ismael Smith. Cuaderno de París" lanarengatik.

Saria jaso dute Titto Ferreira TF Editores taldeko lehendakariak eta Daniel Restrepo Mapfre Fundazioko Kultura Institutuko zuzendariak. Hain zuzen ere, enpresa horrek enkargatu zuen saritutako lana, liburuari izena ematen dion artista katalanaren marrazkien erakusketa baten katalogo moduan.

3.000 euroko saria Nafarroako Liburutegi Nagusiko eta Filmotekako erakusketa-aretoan eman du Lehendakariak. Ekitaldian Juan Ramón Corpas Kultura kontseilaria ere egon da.

José Lázaro Galdiano Edizio Saria argitalpen-lana baloratzera bideratutako sari bakanetako bat da. Nafarroako Gobernuak, Beireko Udalak, Lázaro Galdiano Fundazioak eta Madrilgo Nafarroako Kultura Elkarteak sortu zuten, arteari buruzko ikerketa historikoa eta saiakera-ikerketa egiten duten liburuen edizioan kalitate formala aitortzeko. Sariaren izenaren bidez, José Lázaro editore eta bibliofiloari omenaldia egin nahi zaio. Lázaro Beiren (Nafarroa) jaio zen eta "La España Moderna" XIX. mendearen amaierako eta XX. mendearen lehen hamarkadetako argitaletxe garrantzitsuenaren fundatzailea eta zuzendaria izan zen.

Saritutako liburuan, "Ismael Smith. Cuaderno de París", Ismael Smith (1886-1972) artista katalanaren

Epaimahaiaren ustez, lanean osagai guztiak ezin hobeto integratuta daude: papera, tipografia, marjinak, erreprodukzioen kalitatea, azalak eta formatua, betiere, azken ideia bat xede izanda, hau da, artistaren kuadernoa erreproduzitzea.

Sanz Lehendakariak José Lázaro Galdianoren "kultura- eta dibulgazio-espiritu handia" eta editore moduan zuzenbideari, soziologiari eta nazioarteko errealitateari buruz utzi dituen lanen ondarea azpimarratu ditu. Horrez gain, Lehendakariak esan du editorearen ohorez sustatutako saria erreferentzia bihurtzea nahi duela argitalpen-sektorean, eta Galdiano Fundazioaren, Beireko Udalaren eta Foru Gobernuaren arteko lankidetzak denboran irautea nahi duela.

Hirugarren edizioan 26 liburu aurkeztu dira, guztiak Espainian argitaratuak. Aurkeztutako hautagaien artean, testuen, formatuen eta diseinuen aniztasun handia nabarmendu behar da, batez ere erakusketen katalogoak, estetikari eta arteari buruzko saiakerak, liburu instituzionalak eta bestelakoak.