Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Osasun Departamentuak organoak emateko borondatea agertzea oso garrantzitsua dela gogorarazi du Emaileen Egun Nazionalean asteazkena, 2010.eko ekainak 2
Nafarroan 77 pertsona daude giltzurrunaren zain, 10 gibelaren zain eta 3 bihotzaren zain
Kutz kontseilaria Alcer elkartearen informazio-mahaira hurreratu da Emaileen Egun Nazionalean.
(
irudia handitu
)
María Kutz Peironcely Osasun kontseilaria eta Juan José Unzué Gaztelu Nafarroako transplanteen koordinatzailea Alcer Navarra elkarteak Gaztelu plazan jarri duen mahaira hurreratu dira gaur goizean Nafarroako herritarrei organoak ematea oso garrantzitsua dela azaltzeko, Emaileen Egun Nazionalean.
Gaurko egunean organoak emateko borondatea adierazteko dauden aukerak gogorarazi dira. Zenbait aukera daude: Osasun Departamentura jotzea (Amaya, 2, 3. solairua), Transplanteen Nazio Erakundearen web orrira (www.ont.es), Nafarroako Odol Transfusioen Zentrora edo Alcer Navarra elkartera. Horrez gain, nahi hori Aurretiazko Borondateen Agirian ere adieraz daiteke (www.navarra.es) edo familiakoei edo medikuei esan ahal zaie tratamendu batean murgilduta egonez gero.
Txartelek lekukotza balioa dute, baina horien bidez, pertsona hiltzeko unean inguruan dauden pertsonek organoak emateko nahiaren berri izango dute. Era berean, posible da gorpua zientziarako eta medikuntza ikerketarako ematea. Azken horretarako, Osasun Departamentura edo Espainiako edozein Medikuntza Fakultatera joan daiteke. Datu horiek guztiak Historia Kliniko Informatizatuan gehituko dira.
2010eko ekainaren 1a baino lehen, Nafarroan 13 giltzurrun, 12 gibel (horietako bat organo-emaile bizidun batengandik) eta bi bihotz transplantatu dira. Foru Komunitatean, hau da gaur egungo itxarote-zerrenda: 83 pertsona daude giltzurrun baten zain (6k aldi baterako kontraindikazioa dute), 10 pertsona gibel baten zain daude, eta hiru pertsonak bihotz bat behar dute. 2009an, Nafarroan giltzurrunen 35 transplante (horietako 5 organo-emaile bizidunengandik), gibelen 26 transplante (6 organo-emaile bizidunengandik) eta bihotzeko 6 transplante egin ziren.
Bestalde, gogoan izan behar da 2009an Espainian “dohaintza gurutzatua” ezarri zela. Horretarako, gaur egun 44 bikote daude itxarote-zerrendan (horietako 3 Nafarroakoak dira). Kasu horietan, bikoteko kideak ez dira bateragarriak haien artean (hori ohikoa izaten da, familiaz kanpokoen artean aukerak 1/70.000 izaten baitira), baina bai beste bikote batzuekin.
Gehiago irakurri:
Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.
