Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Modu horretan, ikasle guztientzat oro har ezarritako helburuak erdiestea lortu nahi da
Transcripción textual del video
Nafarroako Gobernuak Antolamendu, Kalitate eta Berrikuntza zuzendari nagusiari baimena eman dio gaur Foru Komunitateko itundutako zentroei 3,7 milioi euro emateko hezkuntza-beharrizan bereziak dituzten ikasleak artatu ditzaten 2010-2011 ikasturtean.
Laguntza hauen bidez, ikasle guztientzat oro har ezarritako helburuak erdiestea lortu nahi da
Baliabide horiek hezkuntza-beharrizan bereziak dituzten ikasleei bideratuko zaizkie, ikaskuntza-zailtasun bereziak dituztenei, adimen-gaitasun handia dutenei, hezkuntza-sisteman berandu sartu direnei eta baldintza pertsonalengatik edo eskola-historiarengatik arreta berezia behar dutenei. 2009-2010 ikasturtean 600 ikasle inguruk baliabide horien bidez laguntza jaso dute Foru Komunitateko zentro itunduetan.
Datorren ikasturteari begira, Nafarroako Gobernuak deialdi publikoa egingo du. Gehieneko aurrekontua 3,7 milioi euro izango da, eta kopuru horretatik 1,2 milioi aurtengo aurrekontuaren kargura finantzatuko dira, eta 2,5 milioi, 2011ko aurrekontuaren kargura.
Zenbateko hori ezaugarri horiek dituzten ikasleak artatzera bideratutako gelak prestatzeko (30.000 euro) eta pedagogia terapeutikoan eta entzumenean eta hizkuntzan adituak diren irakasleak kontratatzeko erabiliko da, baita zaintzaileak kontratatzeko ere, mugitzeko desgaitasunak dituzten ikasleen kasuan (gainerakoa).