contacto de esta sección

Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.

Ikusi egun honetako albiste gehiago

Sanz presidenteak Nafarroako Ospitaleko Larrialdi Zerbitzurako eraikin berriaren lehen harria jarri du asteartea, 2010.eko otsailak 2

Eraikinak 3.500 metro koadro izango ditu; Gobernuak 21,3 milioi euro inbertitu ditu eta obrak 18 hilabetean amaituko dituzte

Sanz presidenteak Nafarroako Ospitaleko Larrialdi Zerbitzurako eraikin berriaren lehen harria jartzeko ekitaldian parte hartu du. ( irudia handitu )

Gaur goizean, Nafarroako Gobernuko presidentea, Miguel Sanz Sesma, eta Osasun kontseilaria, Maria Kutz Peironcely, Nafarroako Ospitaleko Larrialdi Zerbitzurako eraikin berriaren lehen harria jartzeko ekitaldian izan dira; eraikin berriak lehentasuna dauka Nafarroa 2012 Planean. Ekitaldira bertaratu dira, baita ere, Osasun arloko zuzendari nagusia, Isabel Martin Montaner, eta Departamentuko beste kide batzuk.

Eraikin berria egiteko, Nafarroako Gobernuak 21.324.371 euro jarri ditu, proiektua idazteko 429.359 euroak barne. Zehazki, proiektua Tellechea y Fernández Militino SL enpresak egin du eta obrak Acciona Infraestructuras eta Soniclima Industrial erakundeei esleitu dizkiete (aldi baterako enpresa elkartea osatuta egingo dute lan).

Eraikin berriari esker, Nafarroako Ospitaleko Larrialdi Zerbitzuak 3.500 metro koadro izango ditu; orain 700 besterik ez dauzka. Box kopurua bikoiztu egingo dute: orain 8 daude eta eraikin berrian 16 egongo dira. Halaber, bost ohe gehiago izango dituzte: orain 10 daude eta eraikin berrian 15 egongo dira. Erradiologia atalari dagokienez, Larrialdi Zerbitzuan bi areto egongo dira (orain bakarra dago), baita OTA tresneria eta ekografo bat ere (orain ez dago horrelakorik). Eraikin berriak izango ditu sotoa, behe solairua, hiru solairu eta heliportua. Sotoan OTAk egiteko tresneria jarriko dute eta ospitaleko gainerako pabilioietara heltzeko pasabideak egongo dira. Behe solairuan honako hauek jarriko dituzte: anbulantzientzako eta oinezkoentzako sarbideak, larri dauden eta ez dauden gaixoei arreta emateko zirkuituak, sailkapen klinikoak egiteko aretoa, zirkuitu bakoitzeko itxarongelak, itxarongela bereziak (atxilotuak, psikiatriakoak, dolukoak), espezialitateetarako boxak, medikuen bulegoak eta mintegiak. Lehen solairuan behaketa unitatea jarriko dute, 15 oherekin, baita familiarentzako areto bat ere.

Nafarroako Ospitalean Larrialdi Zerbitzurako eraikin berri bat jarriko dute. ( irudia handitu )

Lehen solairuko gainerako espazioa eta bigarren eta hirugarren solairuetakoa oraindik esleitu gabe dago. Dena den, erabakita dago parte batean jarriko dituztela larrialdietako kirurgia atal berri bat, ospitaleratze arrunterako eremu bat eta onkologiako eta onkohematologiako eguneko ospitaleratze eremu bat. Gainera, eraikin berriko teilatuan heliportua jarriko dute.

Instalazio berrietan leku gehiago egongo da eta zerbitzuko logistika hobea izango da. Izan ere, aurreikusi dute gaixoak hartzeko prozedurak eta asistentzia zirkuituak hobetzea, bereizita gaixo kritiko eta larriak, batetik, eta hain larri ez daudenak, bestetik. Hartutako gaixoak hobeto egongo dira, baita gaixo horien senide eta lagunak ere.

Gehiago irakurri:

Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.

Jar zaitez gurekin harremanetan | Erabilerraztasuna | Lege abisua | Webaren mapa